የኢትዮጵያ ህዝብ የጋራ ትግል ሸንጎ [ሸንጎ] ኦፊሴላዊ ድረ ገፅ

ሸንጎ በቶሮንቶ፣ ካናዳ የተሳካ ህዝባዊ ስብሰባ አካሄደ

የኢትዮጵያ ሕዝብ የጋራ ትግል ሸንጎ  (ሸንጎ)  ከፍተኛ   የአመራር አባላት ኅምሌ 6 ቀን 2006 ዓ.ም ( July 19, 2014)  በቶሮንቶ ከተማ ከሚኖሩ ኢትዮጵያውያን ጋር ሰፊ ውይይትና ምክክር አካሂዷል።

ይህ ውይይት የተጀመረው በቅርቡ የወያኔ/ኢህአዴግ ሰላባ ከሆኑት ከእነ አቶ ሀብታሙ አያሌው፤  አቶ ዳንኦልስለሺ፣ አቶ አብረሀ ደስታ፣ አቶ አንዳርጋቸው ጽጌ ጀምሮ ለአለፉት 23 አመታት በወያኔ/ኢህአዴግ  እጅ ወድቀው  መዳረሻቸው ላልታወቀው እነ አቶ ጸጋዬ ገብረመድህን፣ አበራሽ በርታ፣  ድረስ   ያሉትን  የፖለቲካ እስረኞች በመዘከር ነበር።

ይህ በሸንጎው ሊቀመንበር በዶክተር ታዮ ዘገዬ እና በስራ አስፈፃሚ ኮሚቴ አባል በሆኑት በዶክተር ቡሻ ታዓ ገለጻ የጀመረው ስብሰባ በሀገራችን ጉዳዮች ላይ ጥልቀት ያለው ውይይት አካሆዷል።

በዚህ ውይይት ላይ ዶክተር ታዬ የሸንጎው ምስረታ፣ ተግባርና የወደፈት ራዕይ በሚል ርዕስ ዙሪያ ባደረጉት የመንደርደሪያ መነሻ ንግግር፣ሽንጎው ከ22 ወራት ሰፊ ውይይትና ጥናት በኃላ የተመሰረተና ባሁኑ ጊዜም የኢትዮጵያ አንድነት ሀይሎች ትልቁ ስብስብ እንደሆነ አመላክተዋል። ሽንጎው ከምስረታው ወዲህም ሶስት ሲቪክ ማህበራት እንደተቀላቀሉትና አሁንም ቢሆን ቀሪዎቹን ያንድነት ሀይሎች የማሰባሰቡን ጥረት  በቀጣይነት የሚሰራበትእንደሆነ ጠቁመዋል።

የሸንጎውን ራዕይ በተመለከተም፣ ሽንጎው በሀገራችን ውስጥ የተንሰራፋው አሽባሪ አገዛዝ ተወግዶሀገራችንየዜጎች እኩልነት የሰፈነባት፣የህግ የበላይነት በተግባር የተረጋገጠባት፣ አንድነቷናልዖላዊነቷየተጠበቀ ዴሞክራሲያዊ ሀገርእንድትሆን ማድረግእንደሆነና ይህነንም ተግባራዊ ለማድረግ ሁሉም ተቃዋሚ ሀይሎች በጋራመታገል አለባቸው ብሎ እንደሚያምን አስረድተዋል።የጦርነትአዙሪት ሊሰበር እንዲችል ብሄራዊ እርቅን ማምጣት አስፈላጊ እንደሆነ አመላክተው፣ገዥው ቡድን ይህንአማራጭ የማይቀበል ከሆነ ግን፣ዜጎች ነጻነታቸውን ለማግኘትአመች የሚሉትንና ያገኙትንየትግል  አማራጭ ሁሉየመወሰን መብታቸውን ማንም ሊያግዳቸው እንደማይችል አስምረውበታል።

የብሄራዊ እርቅ መንገድ ሀገሪቱን ቀጣይና አደገኛ ከሆነ የርስበርስ ግጭት ፣ ቀጣይ ከሆነ ያመጽአዙሪት የሚያወጣ ሲሆን፣ በተጨባጭ የጭቆና ስርዓት አክትሞና በርግጥም ዘላቂ ሰላምና መረጋጋት ሰፍኖ ፣  በተለያዩ ክፍሎች መካከልም መቀራራብንና መተማመንን ሊያዳብር እንደሚችል አብራርተዋል።

በመቀጠልም የኢትዮጽያ ተጨባጭ ሁኔታና የሸንጎው ራዕይ በሚል ርእስ ስር በዶ/ር ቡሻ ታዓ በቀረበው መንደርደሪያ፣ያለው መንግስት በኢኮኖሚ፣ በማህበራዊ ጉዳይ፣ በፖለቲካ፣  በሀገር አንድነትና ኢትዮጵያዊነት ላይ እያደረሰ ያለውን ያላሰለሰና እጅግ ሰቅጣጭ በደል በምሳሌ በማስደገፍ ቀርቧል። በምሳሌነትም በኢኮኖሚ መስክ፣ የገዥው ቡድን ባለስላጣናት፣ ዘመድ አዝማዶቻቸውና ጡት በተጣቧቸው አይን ባወጣ ሙስና ተደፍቀው፣ ሀገሪቱን ዋና ዋና የሀብት ምንጭ ጠቅልለውእንደያዙ፣የሰራ አጥ ብዛት ከምን ጊዜውም በላይ አንደሆነ፣ህዝቡ የሚበላው አጥቶ በርሀብ መሰቃየት እለታዊ እውነታ እንደሆነ፣ በአዲስ አባባ የሚታዩት የተወሰኑት ህንጻዎች የወያኔ ደጋፊዎችን የማይረካ የገንዘብ ፍቅር የሚያሳይ እንጂ በተራው ህዝብ ኑሮ ላይ ያስከተለው እዚህ ግባ የሚባል መልካም እርምጃ እንደሌለ፣በመረጃ በተደገፈ ሁኔታ አስታውቀዋል።

በማህበራዊ ጉዳዮች በኩልም፣ ከፋፋዩ የወያኔ/ኢህአዴግ ቡድን ፖሊሲ ህዝብ እርስ በርሱ በጥርጣሬ እንዲተያይ፣ እንዲጋጭ የሚገፋፋ  እንደሆነና ይህ ሁኔታም ዜጎችን ከየቦታው ንብረታቸውን በመዝረፍ የማባረር ሂደትን እንዳስከተለ፣ በዚህ ከቀጠለም፣ እጅግከፍወደለ ጥላቻና መተላለቅ ሊያመራ እንደሚችል በዝርዝር አስረድተዋል።

በፖለቲካው ረገድ ደግሞ ሁሉም ዜጋ እንደሚያውቀው፣ ገዥው ቡድን የፖለቲካ ስልጣኑን ያለህዝብ ይሁንታጨምድዶበመያዝ ፣ የፖለቲካ ምህዳሩንም በፍጹም በማጥበብየመብት ረገጣውንከምንጊዜም በላይ እንዲከፋ በማድረግ፣ የሚቃወሙትን ሁሉ ማሰሩ፣ሰቆቃ መፈጸሙን በአደባባይበዱላ ድብደባ ማሰቃየቱ፣ እጅግ እንደተሰፋፋመሄዱንተገልጿል።

በመጨረሻምከሰፊ ውይይት በኋላ ሀገራችን ከምትገኝበት አደገኛ ሁኔታ ለመታደግና ብሩህ ተስፋን እውን ለማድረግ፣  ሸንጎው በጀመረው የተለያዩ ድርጅቶችን የማሰባሰቡ ሂደት ተጠናክሮ እንዲቀጥል፣ ተቃዋሚ ድረጅቶች በልዩነት ላይ ከማተኮር ይልቅ በሚያሰማማቸውላይ ተሰባስበው በትብብር ለመስራት እንዲነሱ የሚገፋፉ ድምጾች ከስብሰባው ተሳታፊዎች በሰፊው ተደምጧል።

የኢትዮጵያ ህዝብ የጋራ ትግል ሸንጎ  ተመሣሳይ ህዝባዊ ስብሰባዎችን  በቀጣይነት በተለያዩ  ከተማዎች በማድረግ ከህዝብ ጋር ውይይት እንደሚያደርግ አስታውቋል።

Hits: 1358

An Open Letter to : President Obama, Prime Ministers Cameron and Harper, Chancellor Merkel, Secretary General Ban Ki Moon, Dr Kim, World Bank, Dr Donald Kaberuka, African Development Bank

When Will the USA and the International Community Cease Being Complicit with the Ethiopian  Regime’s Tyranny?

The Government of the United States will convene a high level conference of African leaders in Washington from August 4‐6, 2014, with President Obama hosting a dinner for African heads of government and state at the Whitehouse. The focus of the discussion is expected to be African‐US political, economic, trade, development, investment and peace and security relations.

The Ethiopian People’s Congress for United Struggle (SHENGO) welcomes this historic forum that places the African continent in the forefront of US public policy. We hope and expect that this Summit will go beyond the business as usual conversation of trade, investment, peace, national security and terrorism. Equally and perhaps more important in order to bring Africa to the modern world is for this Summit to discuss the vital role of good governance including press, religious and political freedom, the rule of law and independent institutions, civil society, the needs of Africa’s bulging youthful population especially girls, brain drain, the private sector, the devastating impact of corruption and illicit outflow of capital that is bleeding African societies and the urgent need for free and fair elections. In our view, the dearth of these critical governance factors affects peace, stability and sustainable and equitable development. .....Readmore

Hits: 1057

የግንቦት ሰባት የአመራር አባል የሆኑት የአቶ አንዳርጋቸው ጽጌ ደህንነት ሽንጎን ያሳሰበዋል

የግንቦት ሰባት ያመራር አባል የሆኑት አቶ አንዳርጋቸው ጽጌ በየመን በኩል ወደ ሌላ ሀገር ጉዞ በሚያደርጉበት ወቅት በሀገሪቱ ባለስልጣናት ከሰኔ 16 ጀምሮ መታሰራቸውን እና እስካሁንም ለማሰፈታ ትየተደረገው ሙከራ ሁሉ እንዳልተሳካ ግንቦት ሰባት ሰኔ 23 ቀን 2006ዓ.ም ካወጣው መግለጫና በኢሳት የመገናኛ ምንጭ ከተዘገበው ተረድተናል።.............. ሙሉውን መግለጫ ለማንበብ ይህን ይጫኑ

Hits: 1357

የአንድነትና የመኢአድ ስምምነት፣ ሊበረታታ የሚገባው መልካም ተግባር ነው

የኢትዮጵያ ሕዝብ የጋራ ትግል ሸንጎ(ሸንጎ)፣ የመላ ኢትዮጵያ አንድነት ድርጅት(መኢአድ)ና አንድነት ለዴሚክራሲና ለፍትህ ፓርቲ (አንድነት) በትላንትናው ዕለት ለውህደት  የሚያበቃ የመጀመሪያ ስምምነት በመፈራረማቸው የተሰማውን ታላቅ ደስታና አድናቆት ይገልጣል።

ዘላቂና አስተማማኝ ሰላም የሰፈነባት፣ የህግ የበላይነት የተረጋገጠባትና የሰብዓዊ መብቶች ሳይሸራረፉ እውን የሚሆንባት፣ በዜጎች እኩልነት ላይ የጸና መሰረት ያላት ዴሞክራሲያዊት ሀገር በጋራ ለመገንባት እንድንችል የስርዓት ለውጥን የሚሹ የተቃዋሚ ድርጅቶች  ሁሉ ጥቃቅን ልዩነቶችን ትተው በመተባበርና አንድ ላይ በመምጣት ህዝባዊ ኃይሉ በአንድነት በመቆም አምባገነናዊነትን በጽናት እንዲታገል ማብቃት ይጠበቅባቸዋል።

ከዚህም አንጻር፣ ውስብስብ ችግሮችን አልፈውና የብቸኛነት ድንበርን ሰብረው በአንድነትና በጋራ ዓላማ መሰለፍን መምረጥ ትልቅ አስተዋይነትና ለወደፊት ጉዞም አስተማማኝ መሰረትን የሚጥል  በመሆኑ በሁለቱ ድርጅቶች በኩል የደረሱበት ቅድመ ውህደት ስምምነት ትልቅ ተስፋ ሰጭና  በሁሉም የአንድነትና የዴሞርራሲ ኃይላት ሊበረታታ የሚገባ ነው።  ሌሎቹም በተናጠል እየታገሉ የሚገኙ በኢትዮጵያዊነታቸውና በኢትዮጵያ አንድነት የሚያምኑ ኃይሎች ይህን የመኢአድንና የአንድነትን ፈለግ እንደምሳሌ ወስደው የመተባበርንና የአንድ የመሆንን ጎዳና እንዲመርጡና   አስፈላጊውን እርምጃም ሳይዘገዩ እንዲወስዱ  በአንክሮ ለማሳሰብ እንወዳለን።

እንደዚህ ያሉ ሂደቶች እንዳይሳኩ በጸረ አንድነት ሃይሎች መሰናክሎች መዘርጋታቸው አይቀሬ ነው። ህወሓት/ኢሕአዴግ   ለሚሸርበው ተንኮልና ለሚያደርሰው ጉዳት ፣ ሳይበገሩ  ያሰቡትን ዓላማ ከግብ ማድረስ ግን  የጀግንነት ሙያ ነው።

የአንድነትና የመኢአድ አባላትና መሪዎች ለገጠማቸው ችግርና የገዥው ቡድን ተጽዕኖ ሳይንበረከኩ ወዳቀዱት የውህደት መጀመሪያ ደረጃ ላይ መድረሳቸው ሊያኮራቸው የሚገባና የሚመሰገኑበት ሲሆን ወደ ዘላቂ ግብ ለመድረስም በሚያደርጉት ጉዞ የበለጠ  መሰናክልና ዕይን ያወጣ አፍራሽ ፈተና ሊገጥማቸው እንደሚችል አውቀው እስካሁን እንዳደረጉት ሁሉ  በድፍረትና በብልሀት የጀመሩትን ጉዞ በስኬት እንደሚያጠናቅቁ ታላቅ ተስፋችን ነው።

የኢትዮጵያ ሕዝብ የጋራ ትግል ሸንጎ (ሸንጎ) ቀደም ሲልም ሆነ አሁንና ወደፊት በተናጠል የቆመው የአንድነትና የዴሞክራሲ ጎራ ተባብሮ በአንድ የጋራ አመራር ስር ተሰልፎ ትግሉን አቀናጅቶ እንዲቀጥል ማድረግ ከተመሰረተባቸውና እውን ለማድረግ  ከፍተኛ ጥረት ከሚያደርግባቸው ዋና ዋና ራዕዮቹ ውስጥ አንዱ ነው። ስለሆነም፣ በመኢአድና በአንድነት መካከል የተጀመረው የውህደት ሂደት ያስደሰተው ሲሆን ከፍጻሜ ደርሶ ለማየት ከፍተኛ ጉጉት አለው። ጅምሩ የተሳካ እንዲሆን ምኞቱን እየገለጸ ለቀጣዩ የትግል ጉዞ አብሮ ለመቆም ያለውን ፍላጎትና አጋርነቱን ከወዲሁ ሊገልጽ ይወዳል።

አንድነታችን  ለድላችን  ዋስትናችን ነው።

የኢትዮጵያ ሕዝብ የጋራ ትግል ሸንጎ(ሸንጎ)

Hits: 1197

ሸንጎ በሲያትል ዋሽንግተን የተሳካ ህዝባዊ ስብሰባ አካሄደ

ትልቁ  የኢትዮጵያ አንድነት ኃይሎች ስበስብ የሆነው የኢትዮጵያ  ህዝብ የጋራ ትግል ሸንጎ(ሽንጎ) የስራ አስኪያጅ ኮሚቴ አባላት የሁኑት ፕሮፊሰር አቻምየለህ ደበላና ዶ/ር አክሎግ ቢራራ እሁድ ግንቦት24 ቀን2006  (ጁን1፣2014) ፣በሲያትል(አሜሪካ) ታላቅ ህዝባዊ ስብሰባ አካሂደዋል።

በዚህ ህዝባዊ ስብሰባ ላይ ሁለቱም የሽንጎው ተወካዮች  በሀገራችን ነባራዊ ሁኔታ፣ በሽንጎው ራዕይና እንቅሰስቃሴ እና በዜጎች ተሳትፎ ላይ ሰፊ ገለ ጻአድርገዋል። የፕሮፊሰር አቻምየለህ ደበላና የዶ/ር አክሎግ ቢራራን ገለጻ በማስከተልም ስፊ ጥያቄና መልስ እና አርኪ  ውይይት ተካሂዷል።

ሸንጎ ተመሳሳይ ህዝባዊ ስብሰባዋችን በተለያዩ ሀገሮችና ከተሞች ውስጥ በማካሄድ  በአለም ዙሪያ የሚገኘው ኢትዮጵያዊ በሀገሩ ላይ የተደቀነውን አደጋ ለማስወገድ የሚስችል ሚና እንዲጫወት ለማድረግ ኢትዮጵያውያንን ማሰባሰቡን እንደሚቀጥል ታውቋል።

ከዚህም በተጨማሪ ሸንጎው ዲፕሎማቲክ እንቅስቃሴ በማካጠናከር ከአለም አቀፉ ህብረተሰብ ለኢትዮጵያ ህዝብ ትግል ከፍተኛ ድጋፍን ለማስገኘት ሰፊ እንቅስቃሴ እያካሄደ መሆኑ ይታወቃል።

በስያትል የተካሄደውን ስብሰባ ላሰተባበሩ እንዲሁም በስብሰባው ላይ  ለተገኙ ሁሉ ሽንጎ ምስጋናውን አቅርቦ፣ ይህ ትብብር ወደፊትም ተጠናክሮ እንደሚቀጥል ተስፋ እንደሚያደርግ ገልጧል። በሲያትል የኢትዮጵያ ወጣቶች ስብስብ፣ እንዲሁም ሞሲሊም ወገኖቻችን በተለይ ደግሞ ነጃሽ ጀስቲስ በመባል የሚታወቀው ድርጅት አባላት ላደረጉት ትብብር ሁሉ ምስጋናውን አቅርቧል።

Hits: 1153