የኢትዮጵያ ህዝብ የጋራ ትግል ሸንጎ [ሸንጎ] ኦፊሴላዊ ድረ ገፅ

home

በሕዝብ ላይ የሚካሄደውን ቀጣይ ጭፍጨፋ ለማስቆም በጋራ እንነሳ!

ታህሣስ 11፣ 2007 (ዲሴምበር 20፣ 2014)

በትላንትናው ዕለት የባህርዳር ከተማ ነዋሪዎች የእምነት ቦታ የሆነውን መስቀል አደባባይ እየተባለ የሚጠራውን ቦታ “የቤተክርስያን የታቦት ማደሪያ፣ ንብረትነቱም የቤተ-ክርስቲያን የሆነውን ለግል ባለሀብት ሊሰጥ አይገባውም“ በማለት ተቃውሞውን በሰላማዊ መንገድ ለመግለጽ ተሰብሰቦ በነበረው ሕዝብ ላይ የህወሓት/ኢህአዴግ የጸፀጥታ ኃይሎች ተኩስ ከፍተው እስከ ስድስት ሰዎች መግደላቸውንና ብዙዎችንም ማቁሰላቸው ከቦታው የሚደርሱ ዜናዎች ያረጋግጣሉ፡፡

የኢትዮጵያ ሕዝብ የጋራ ትግል ሸንጎ (ሸንጎ) ይህን መንግሥታዊ ሽብር አጥብቆ ያወግዛል፣ ጉዳት ለደረሰባቸው ቤተሰቦችና ግለሰቦችም የሀዘናቸው ተካፋይ እንደሆነ ይገልጻል።

ማንኛውም ዜጋ አገዛዙ የሚያራምደውን ፖሊሲ መቃወም መሠረታዊ መብቱ ነው። በሕዝብ ዘንድ ታላቅ ክብር ያላቸውን ታሪካዊ የእምነት  ቦታወችንና የመሳሰሉትን የጋራ ንብረቶችን ህወሓት/ኢህአዴግ እንደፈለገ የማርከስና የማፈራረስ መብት ከቶውንም የለውም። የዚህን ዓይነት የሕዝብን እምነት፣ ታሪክና አኗኗር ግንዛቤ ውስጥ ያላሰገባ ወይም ለነዚህ ዓይነት ጉዳዮች ግድየለሽነትን የሚያሳይ የአገዛዙን ተግባራት መቃወም የሕዝብ መብት ብቻ ሳይሆን ታሪካዊም  ባህላዊም ግዴታ ነው።

አገዛዙ የሕዝብን የእምነት ማዕከሎችና ሌሎችም ታሪካዊ ቦታዎችን ተንከባክበቦ ለሚቀጥለው ትውልድ ማስተላለፍ ሃላፊነቱ ነው። ይህንን ሃላፊነቱን በዘነጋ አገዛዝ ላይ ደግሞ በተለያየ መንገድ ተጽእኖ መድረግ ከአንድ ለባህሉ ለታሪኩና ለጋራ እሴቶቹ  ከሚቆረቆር ሕዝብ የሚጠበቅ ተግባር ነው። ከዚህ ጋር ተያይዘው የሚነሱ ተቃውሞዎች አገዛዙ የሚወስዳቸውን እርምጃዎች ቆም ብሎ ለመመርመርና የሕዝብን እምነት የሚያስከብር የጋራ እሴቶችንም ለማዳበር የሚያግዝ ከፍተኛ ዕድል አድርጎ ሊመለከተው በተገባ ነበር። ተደጋግሞ እንደሚታየው ግን የአገዛዙ አካሄድ ከስህተት መማር ላይ ያተኮረ ሳይሆን በስህተት ላይ ስህተት መጨመር ነው።

የህወሓት/ኢህአዴግ ገዥዎች የሕዝባችንን እምነትና ታሪክ የሚጻረርና የሚያፈራርስ ተግባር ውስጥ ሲሰማሩ ባህር ዳር የመጀመሪያቸው አይደለም። ለአብነት ለመጥቀስ ያክል፡ ካሁን በፊት በኢትዮጵያ ኦርቶዶክስ ቤተክርስቲያን አስተዳደር ውስጥ ጣልቃ በመግባት ቤተክርስቲያንን የከፋፈሉ ሲሆን በዋልድባ ገዳም ደግሞ ሰፊ የማፈራራስ ተግባር ፈጽመዋል። በሙስሊሙ ኅብረተሰብ እምነትም ውስጥ ጣልቃ በመግባትም አፍራሽና እጅግ አደገኛ ተግባር ውስጥ ተዘፍቀው እንደሚገኙ ሁሉም የሚያውቀው ነው።

“ባለቤቱን ካልናቁ አጥሩን አይነቀንቁ” እንደሚባለው፣ ይህ ሁሉ የሚያሳየው የህወሓት/ኢህአዴግ መሪዎች የሀገራችንና የህሕዝባችንን ታሪክና እምነት ምን ያህል እንዳልተገነዘቡት ወይም በንቀትና በጥላቻ እንደሚመለከቱት ነው። እነርሱ እምነትንም፣ ታሪክንም፣ የጋራ እሴትንም ለጊዜው ከሚያግበሰብሱት ጥቅም በላይ እንደሆነ ሊያዩት ከቶውንም አልቻሉም።  እጅግ የሚያሳዝነው ደግሞ ዛሬ ይህ ሁሉ ሃላፊነት የጎደለው ፀረ-እምነትና ፀረ-ታሪክ ተግባር የሚፈጸመው የእምነት ሰው ነኝ የሚሉት አቶ ኃይለማርያም ደሳለኝ ጠቅላይ ሚኒስተር በሆኑበት ወቅት መሆኑም  ጭምር ነው።

ከሕዝብ የተነጠለው የህወሓት/ኢህአዴግ አገዛዝ “እኔ ያልኩትን ሁሉ እሺ ብላችሁ ተቀበሉ” ከሚል ፍጹም አምባገነን ባህሪ በመነሳት በሃገሪቱ ውስጥ የሚነሳን ማንኛውንም ጥያቄ በጉልበት ጨፍልቆ ለመግዛት  የሚያካሂደው መንግሥታዊ ሸብር እየጨመረ እንደመጣ ግልጽ ነው። ይህ ደግሞ የሕዝብን ቁጣ እጅግ ይጨምራል፣ ለታሪኩ፣ ለእምነቱ፤ ለማንንቱና ለመብቱ  የሚያደርገውን ትግል እጅግ እንዲጠነክር ያደርገዋል እንጂ ሊያዳፍነው እንደማይችል መገንዘብ ተገቢ ነው፡፡

ቀጣይ የሆነው የህወሓት/ኢህአዴግ የመብት ረገጣና የግፍ ሥርዓት እንዲያከትም፤ በምትኩም አንድነቷ በተጠበቀ ኢትዮጵያ ሥር የሁሉም ዜጋ መብት ተከብሮ እንዲኖር ለማድረግ በጋራ እንነሳ።

ድል ለኢትዮጵያ ሕዝብ!

Hits: 1552

በሰላማዊ ሰልፈኞች ላይ የተካሄደውን ድብደባና እስራት እናወግዛለን

ህዳር 27፣ 2007

ዛሬቅዳሜህዳር27 ቀን2007 ዓ. ም(ዲሴምበር6፣2014) በዘጠኝ ተቃዋሚ ድርጅቶች አስተባባሪነት በአዲስ አበባ ተጠርቶ በነበረው ሰላማዊ ሰልፍ ላይ የህወሀት/ኢህአዴግ አገዛዝ የጸጥታ ሰራዊት ህዝቡን በዱላ በመደብደብና ብዙዎችን ወደ እስር በመወርወር ሰላማዊ ሰልፉን በትኗል። የዚህ ግፍ ሰለባ ከሆኑት ውስጥም የትብብሩ ሰባሳቢ ኢንጅነር ይልቃል እነደሚገኙበት ታውቋል።  ይህን  ኢ-ሰብዓዊ  ድርጊት ሽንጎው አጥብቆ ያወግዛል። በግፍ የታሰሩት ሁሉ ባስቸኳይ እንዲፈቱም ይጠይቃል።......ሙሉውን ለማንበብ ይህን ይጫኑ

Hits: 1815

የሸንጎ አመራር ምክርቤት ጠቅላላ ስብሰባ በተሳካ ሁኔታ ተጠናቀቀ

የሸንጎው ከፍተኛ አመራር ምክር ቤት ስብሰባ የህዝቡን ትግል ለማጠናከር የሚያሰቸሉ ተጨማሪ ውሳኔወችን በማስለላለፍ ተጠናቀቀ

ህዳር 10፣ 2007 ( ኖቨምበር 19፣ 2014)

የኢትዮጵያ ህዝብ የጋራ ትግል ሽንጎ  (ሽንጎ)  ከፍተኛ የአመራር ምክር ቤት መደበኛ ስብሰባውን  ቅዳሜ  ሕዳር 6፣ 2007 ( ኖቨምበር 15፣ 2014) በተሳካ ሁኔታ አካሂዷል።

በዚህ ስብሰባ የህወሀት/ኢህአዴግ አገዛዝ በሀገራችን እና በህዝባችን ላይ እያካሄደ ያለቸውን አሰቃቂና ሀላፊነት የጎደለው ተግባሮች በዝርዝር በመመርመር ይህ የግፍ ስርዓት ተወግዶ አንድነቷ በተረጋገጠ ኢትዮጵያ  የሁሉም ዜጎች ሙሉ ዴሞክራሲያዊ መብት ተከብሮና የህግ የበላይነት ሰፍኖ ለመኖር የሚያስችል ህገመንግስታዊ ስርአትን እውን ለማድረግ የተጀመረው ትግል ተጠናክሮ እንዲቀጥል ማድረግ አማራጭ የሌለው ጉዞ እንደሆነ አጽንኦት ሰጥቷል።......ሙሉውን ለማንበብ ይህን ይጫኑ

Hits: 1700

በአንድ አካባቢ ኢትዮጵያዊያን ላይ የሚካሄድ ጥቃት በሁሉም ኢትዮጵያዊ ላይ የሚካሄድ ጥቃት ነው!

ህወሓት/ኢህአዴግ በተለያዩ ኢትዮጵያውያን ላይ ያነጣጠረ የግፍ ተግባር ማካሄድና የከፋፍለህ ግዛ ፖሊሲውን ተግባራዊ ማድረጉን በሰፊውቀጥሏል።  በዚህ አኳያ በሶማሌ፣  በአማራው፣  በኦሮሞ፣ በሲዳማ፣ በአፋር፣ ....ወዘተ ተወላጆች ላይ የሚያካሂደው እልቂት በቂ መረጃ ነው።

 

የዚህ ቀጣይ ረገጣ ተከታታይ ዒላማ የሆነው አንዱ የአማራው ተወላጅነው።  ህወሓት/ኢህአዴግ ከመነሻው የአማራ፡ተወላጁን በጠላትነት ፈርጆ በተለያየ ደረጃ የጥቃት ዒላማ አድርጎታል። በዚህም መሠረት በራሱ ትዕዛዝም ሆነ በተለጣፊ ድርጅቶቹ አማካኝነት እጅግ ዘግናኝ ግፍ የተሞላበት ወንጀል ፈጽሟል። ለዘመናት ከኖረበት ቦታ“ወደ መጣህበት ሂድ” ተብሎ ንብረቱ ተነጥቆ ባዶ እጁን በግዳጅ እንዲባረር ተደርጓል። ይህ አልበቃ ብሎ ህፃናት ልጆች ሳይቀሩ አሰቃቂ በሆነ ግፍ እንዲታረዱ፣ ዜጎች ወደ ገደል እንዲወረወሩና፣ ቤታቸው ውስጥ እንዳሉ እንዲቃጠሉ ተደርጓል።  በአርባጉጉ፣  በወተር ፣ በአርሲ.ወዘተ የተካሄደው ይህንኑ ነው  የሚያሳየው። ......  ሙሉውን ለማንበብ ይህን ይጫኑ

Hits: 2022

የኢትዮጵያን ህዝብ አደንቁሮ ለመግዛት ህወሀት/ኢህአዴግ የሚያካሂደውን አሳፋሪ ተግባር ሁሉ ሽንጎ አጥብቆ ያወግዛል

በትላንቱ እለት በአዲስ አባባ ውስጥ የሚገኘው የከፍተኛ ፍርድ ቤት በታዋቂው የኢትዮጵያዊ  ነጻ ጋዜጠኛ በአቶ ተመሰገን ደሳለኝ ላይ የሶስት አመት ጽኑ እስራት እንደፈረደበት ተገልጿል። አቶ ተመሰገን ለክስ የተዳረገውና ለዚሁ ህገ ገምድል ብይን ያበቃው በተለያየ ጊዜ ያቀረባቸውን ተወዳጅ ጽሁፎቹን እንደ ፈለጉ በመተርጎም “ህዝብ አነሳሰቷል፣  የሀሰት ዜና አሰራጭቷል”  በሚሉ  ተልካሻ  የፈጠራ ምክንያቶች ነው።

ህወሀት/ኢህአዴግ በሀገሪቱ  ህዝብ ላይ የሚፈጽመውን መጠነሰፊና ዘግናኝ ግፍ፤  ንቅዘት በስልጣን መባለግና፣  ዘረኛ ፖሊሲከህዝብ እይታ ለመደበቅ የማያደርገው ሙከራ የለም።  ለዚህ  ደግሞ  ከሁሉም  በላይ የሚፈራው በመተክልና በእውነት  ላይየተመረኮዘ፣  ሀሳብን  ለህዝብየሚያሰራጭ  ሚዲያንና  በዚህ  ተግባር ላይ የተሰማሩ ግለሰቦችንና ተቋማትን  ነው። ..........ሙሉውን ለማንበብ ይህን ይጫኑ 

 

Hits: 1632