የኢትዮጵያ ህዝብ የጋራ ትግል ሸንጎ [ሸንጎ] ኦፊሴላዊ ድረ ገፅ

Switch to desktop Register Login

Home

በአንድ አካባቢ ኢትዮጵያዊያን ላይ የሚካሄድ ጥቃት በሁሉም ኢትዮጵያዊ ላይ የሚካሄድ ጥቃት ነው!

ህወሓት/ኢህአዴግ በተለያዩ ኢትዮጵያውያን ላይ ያነጣጠረ የግፍ ተግባር ማካሄድና የከፋፍለህ ግዛ ፖሊሲውን ተግባራዊ ማድረጉን በሰፊውቀጥሏል።  በዚህ አኳያ በሶማሌ፣  በአማራው፣  በኦሮሞ፣ በሲዳማ፣ በአፋር፣ ....ወዘተ ተወላጆች ላይ የሚያካሂደው እልቂት በቂ መረጃ ነው።

 

የዚህ ቀጣይ ረገጣ ተከታታይ ዒላማ የሆነው አንዱ የአማራው ተወላጅነው።  ህወሓት/ኢህአዴግ ከመነሻው የአማራ፡ተወላጁን በጠላትነት ፈርጆ በተለያየ ደረጃ የጥቃት ዒላማ አድርጎታል። በዚህም መሠረት በራሱ ትዕዛዝም ሆነ በተለጣፊ ድርጅቶቹ አማካኝነት እጅግ ዘግናኝ ግፍ የተሞላበት ወንጀል ፈጽሟል። ለዘመናት ከኖረበት ቦታ“ወደ መጣህበት ሂድ” ተብሎ ንብረቱ ተነጥቆ ባዶ እጁን በግዳጅ እንዲባረር ተደርጓል። ይህ አልበቃ ብሎ ህፃናት ልጆች ሳይቀሩ አሰቃቂ በሆነ ግፍ እንዲታረዱ፣ ዜጎች ወደ ገደል እንዲወረወሩና፣ ቤታቸው ውስጥ እንዳሉ እንዲቃጠሉ ተደርጓል።  በአርባጉጉ፣  በወተር ፣ በአርሲ.ወዘተ የተካሄደው ይህንኑ ነው  የሚያሳየው። ......  ሙሉውን ለማንበብ ይህን ይጫኑ

Hits: 1606

በኢሕአፓ አመራር አባላት ላይ የተፈጸመውን ግድያ ሽንጎው በጥብቅ ያወግዛል

በኢሕአፓ አመራር አባላት ላይ የተፈጸመውን ግድያ ሽንጎው በጥብቅ ያወግዛል

ጥቅምት 4፣ 2007 (ኦክቶበር 14፣ 2014)

በቅርቡ በአሜሪካ ሬዲዮ ጣቢያ የአማርኛ ፕሮግራም በተደረገ ቃለ ምልልስ የቀድሞው የህወሓት/ኢህአዴግ የሥራ አስፈጻሚ ኮሚቴ አባልና የትግራይ ክልል ፕሬዚዳንት የነበሩት አቶ ገበሩ አሥራት በህወሓት/ኢህአዴግ እስር ስር የነበሩት የኢሕአፓ አመራር አባላት እነ ጸጋየገብረመድህን፣ ይስሀቅ ደብረ ጽዮን፣ ስጦታው ሀስንና ሌሎቹም በህወሓት/ኢህአዴግ ውሳኔ እንደተገደሉ ገልጸዋል።  ሸንጎው ይህን ህገወጥና አሳዛኝ ድርጊት አጥብቆ ያወግዛል:: ለተሰውት ግለሰቦች ቤተሰቦች፣ ወዳጆችና የትግል ጓዶቻቸው ሁሉ የተሰማውን ከፍተኛ ሀዘን ይገልጣል።ይህ  ግድያ በሥልጣን ላይ ባለመንግሥት እጅ የተፈጸመ ስለሆነ፤ በዚህ አፈጻጸም ውስጥ እጃቸው ያለበት ሁሉ ምን ጊዜ ይሁን ምንም ለፍርድ መቅረብ እንደሚኖርባቸው፣ ሸንጎው እምነቱ ነው።        

Hits: 1928

በኢትዮጵያ ውስጥ አገዛዙ የሚያካሂደው አፈና ተጠናክሮ ቀጥሏል

ጥር 16፣ 2007

ለአስቸኳይ ስርጭት

የኢትዮጵያ ሕዝብ የጋራ ትግል ሸንጎ (ሸንጎ) እራሱን በኢትዮጵያ ሕዝብ ላይ የጫነው አገዛዝ በተቃዋሚ ድርጅቶች ላይ አፈናውን አጠናክሮ የቀጠለ መሆኑን ለመረዳት ችሏል።  በነገው ዕለት (ጥር 17 ቀን 2007 ዓ. ም)በአንድነት ለዴሞክራሲና ለፍትኅ ፓርቲ (አንድነት) አስተባባሪነት ሊደረግ ከታሰበው ሰላማዊ ሰልፍ አስቀድሞ የአገዛዙ የፀጥታ ኃይሎች ቢያንስ አራት የአንድነት ፓርቲ የአመራር አባላትን ማሰራቸውን ሸንጎ ተገንዝቧል።  ከታሰሩት ውስጥ፦ .......ሙሉውን ለማንበብ

Hits: 1259

በኢትዮጵያውስጥየብሄርተኮርየክልሎችአሸናሸንናእንደምታው በፖለቲካናየጥናትኮሚቴየተዘጋጀ

መግቢያ የኢትዮጵያ ህዝብ የጋራ ትግል ሽንጎ (ሽንጎ) የስራ አስኪአጅ ኮሚቴ የሀገራችንን ሁኔታ በየጊዜው እየገመገመ የፖለቲካ አቅጣጫ ማሳየትአንዱ ተግባሩ ነው። ኮሚቴዉ ፊብርዋሪ 2017 ባደረገዉ ስብሰባ ዛሬ በሃገሪቱ ሰፍኖ ያለዉ ብሔር-ተኮር ፌድራሊዝም ያስከተለዉን ሃገር አቀፍ ምስቅልቅል በተለይም በቅርቡ ጎልቶ የታየዉን የወልቃይት ጠገዴን ጉዳይ ምንነት ግልፅ የሆነ ግንዛቤን ማስጨበጥ የሚችል ጥናታዊ ሰነድ ማዘጋጀት አስፈላጊ ሆኖ አግኝቶታል:: በዚህም መሠረት የጥናትና ፖሊቲካ ኮሚቴ በተሰጠዉ መመሪያ ይህን አነስተኛ ጥናታዊ ፅሑፍ ሲያቀርብ ሽንጎም ሆነ አጠቃላይ ህብረተሰቡ እንደ ተጨማሪ ግብአት ሊጠቀምበት ይችላል የሚል እምነት አለዉ:: 

to read more

files/pressrelease/2017a/ethnic federalizm and boundaries with exec inputmay252017 edited.pdf

 

Hits: 237

በወገኖቻችን ላይ የሚካሄደው አፈናና ጭፍጨፋ ባስቸኳይ ይቁም

በPDF ለማንበብ ይህን ይጫኑ

በአለፉት  ሳምንታት በተለያዩ የሀገሪቱ ክፍሎች በተለይም በመሀል፣  በምእራብ፣ ምስራቅና ደቡብ ምእራብ ኢትዮጽያ የስርአቱን ፖሊሲዎች በመቃወም ሰላማዊ ሰልፍ ያደረጉ ተማሪወች በገዥው ወያኔ ኢህአዴግ ጸጥታ ሀይሎች መደብደባቸው፣ መታሰራቸውና በጭካኔ መገደላቸው በተለያዩ የዜና ማሰራጫዎች በመገለጥ ላይ ነው።

ወያኔ ኢህአዴግ ላለፉት 24 አመታት እንዳደረገው ሁሉ አሁንም ሰላማዊ ተቃውሞን በሀይል ለማፈን መሞከሩ በሀገራችን ውስጥ አላስፈላጊ የሆነ መካረርን ከማስከተሉም በላይ የሀገራችንን ውስብስብ ችግሮች እጅግ ወደተወሳሰበ ደረጃ ያደርሰዋል።

የኢትዮጵያ ህዝብ የጋራ ትግል ሽንጎ በገዥው ቡድን ህይወታቸውን ላጡ ወገኖቻችን፣ ለቤተሰቦቻቸውና ለዘመድ አዝማድ  እንዲሁም ጉዳት ለደረሰባቸው ሁሉ የተሰማውን  ሀዘን እየገለጠ በሰላማዊ መንገድ መብታቸውን ለማስከበር ሁሉም ኢትዮጽያውያን የሚያካሂዱትን ትግል በጉልበት ለማፈን የሚደረገውን ሙከራ ሁሉ በጥብቅ ያወግዛል።

የሀገራችን ዘርፈብዙ ችግሮች በትእግስት፣ በመደማመጥ፣ ባርቆ አሳቢነትና ለህግ በመገዛት እንጂ በጉልበትና ባፈና ሊፈታ እንደማይችል ገዥው ቡድን ሊገነዘብ ይገባዋል። ትላንት ከትላንት ወዲያ እንደተደረገው ሁሉ ዛሬም የዜጎችን ደም በማፍሰስ በማሰርና በማሰፈራራት ተቃውሞን አፍኖ የስልጣን እድሜን ለማራዘም መሞከር እጅግ ሀላፊነት የጎደለው ብቻ ሳይሆን፣ ፈጽሞ ማስተዋል አለመቻልም ነው። ገዥው ቡድን በህዝብ ላይ የሚያካሂደው አፈና ሁሉ እንዳልሰራ በተገነዘበ ቁጥር እጅግ ዘግናኝ ወደሆነ ተጨማሪ ተግባር እያመራ ይገኛል። አሁን ያለው ሁኔታ ወገኖቻችንን በገዥው ቡድን የጸጥታ ሀይሎች እጅግ አሰቃቂ ጭፍጨፋ ሊጠብቃቸው እንደሚችል ያመላክታል።

በድጋሚ የስርአቱ መሪዎች ከዚህ የወንጀል ተግባር እንዲታቀቡ ፣ በህዝብ ላይ ለደረሰው ጭፍጨፋና ስቃይ ተጠያቂ የሆኑ ሁሉ ለፍርድ እንዲቀርቡ እያሳሰብን ሁሉም ኢትዮጵያዊያን አንዱ ዜጋ ሲነካ ሁሉም እንደተነካ በመገንዘብ የስርአቱን የግፍ እርምጃ በጋራ እንዲያወግዙና በጋራ እንዲቋቋሙ ከማንኛውም ጎራ ለሚመጣ የከፋፋይ ሴራ ሰለባ እንደይሆኑ ጥሪያችንን እናቀርባለን።

የተቃወሚ ድርጅቶችም ሆኑ የሲቪክ ማህበራትም ታራ የፖለቲካ ጥቅም ለማግኘት ከመሯሯጥ ይልቅ ሀገራችንና ህዝባችን ያሉበትን እጅግ አሳሳቢ ሁኔታ ተገንዝበው የህዝባችንን አንድነት አጠናክሮ የሀገራችንን ደህንነት አደጋ ላይ ሳንጥል የስርአት ለውጥ ለማምጣት የህዝባችንን ትግል ማቀነባበር የሚቻልበትን መንገድ ባስቸኳይ ለመፈለግ በጋራ እንድንነሳ የትብብር ጥሪያችንን በድጋሚ እናቀርባለን።

ድል ለኢትዮጵያ ህዝብ!

 

Hits: 1493

External links are provided for reference purposes. Shengo is not responsible for the content of external Internet sites. Copyright © 2013 የኢትዮጵያ ህዝብ የጋራ ትግል ሸንጎ [ሸንጎ] ኦፊሴላዊ ድረ ገፅ

Top Desktop version