የኢትዮጵያ ህዝብ የጋራ ትግል ሸንጎ [ሸንጎ] ኦፊሴላዊ ድረ ገፅ

home

የጎንደር ሕዝባዊ ትግል ኢትዮጵያን የማዳን ትግል ነ ው!!

ሰሞኑን በጎንደር ከተማና አካባቢው የፈነዳው ሕዝባዊ እምቢባይነት ታፍኖ ሲብላላ የቆየው የሕዝብ እንቅስቃሴ ክምችት ውጤት ነው።ይህ ሰሞኑን የተቀሰቀሰው ሕዝባዊ ትግል ላለፉት አርባ ዓመታት በተለይም ላለፉት 25ዓመታት ሕወሃት የተባለው አገር አጥፊ ድርጅት አገሪቱን ሸንሽኖ፣ ዳርድንበሯን ቆራርሶ ለባእዳን በመስጠትና በመቸርቸር፣ ሕዝቡን በጎጥ ጎራ አሰልፎ እንዲተላለቅና በግርግር የትግራይን ነጻነትና “ትልቋን ትግራይን” ለመመስረት የተነሳበትን ዓላማ    እውን  ለማድረግ ከቋጠረው ሴራ የተወለደ ሕዝባዊ ተቃውሞና እምቢ ባይነት ነው። ዓላማውን ለማሳካትና ትግራይን በራሷ እንድትቆም በሚል ቀቢጸ ተስፋ የአጎራባች የኢትዮጵያ ክፍለሃገር ለም  መሬቶችንና  ሕዝቡን  በሃይል  አስገድዶ  የትግራይን    መሬት ከሚገባው በላይ ለጥጦ ሲከልል፣ ለተነሳበት    ዓላማ መሳካት አያሌ ተንኮሎችን ሲሸርብና ሲዘጋጅ የጎንደር ሕዝብ በዝምታ  አላየውም። የነበረውን ተንኮል ገና ከጅምሩ ለማክሸፍ ያደረገው ትግልና የከፈለው መስዋእትነት  ብዙ ነው፤አሁን በዚህ ደረጃ ላይ ደርሶ የአገራችንን ሕዝብ ከዳር እስከዳር ያስቆጣና ያነሳሳ    ሕዝባዊ እምቢባይነት የዚያ ጥርቅም ውጤት ነው።ይህ በተለያዩ ያገሪቱ ክፍሎች የተካሄደውና በመካሄድ ላይ ያለው ሕዝባዊ ትግል በደሃውና አገሩን በሚወደው የትግራይ ሕዝብ ላይ ያነጣጠረ የጥቃት እርምጃ ሳይሆን እራሱን የትግራይን ሕዝብ ቀፍድደው በስሙ ከሚነግዱና ለእልቂት ከሚጋብዙት ባንዳ ተወላጆቹ ቁጥጥር ነጻ ለማውጣት እንደሆነ መታወቅ አለበት።የትግራይ ተወላጅ የሆኑት የኢትዮጵያ ንጉሠነገሥት አጼ ዩሃንስ አንገታቸውን የሰጡበትና የጦር መሪው ራስ አሉላ አባነጋ እንዲሁም አያሌ የትግራይ ተወላጆች በከፈሉት መስዋዕትነት ተከብሮ የቆየውን የኢትዮጵያ አገራችንን    ዳር ድንበር በዛው በትግራይ መሬት የበቀሉ አገር አጥፊና ከሃዲ ስብስቦች ኤርትራን ለጣልያን  ቡችሎች፣የጉሙዝና  የቤኒሻንጉልን  አዋሳኝ  ሰፊ  ለም  መሬት  ለሱዳኖች(ለደርቡሾች) አሳልፈው  ሲሰጡ  ማየት  እንኳንስ ለትግራይ  ተወላጅ  ቀርቶ  ለአፍሪካ ነጻነትና  ለኢትዮጵያ  አንድነት የሚቆረቆር አፍሪካዊውን ልብ ያደማል፣ስሜት ይቀሰቅሳል። በስሙ ሥልጣን ላይ የተቀመጡት ከይሲዎች የትግራይ ተወላጅ አሁን በአገሪቱ በተለያዩ ቦታዎች የሚካሄድ ሕዝባዊ ትግል እንዳይቀላቀል፣ፈርቶ  እንዲሸሽና  በጠላትነት  ፈርጆ  ለመከላከል  ጦር  እንዲመዝ        ያላሰለሰ ቅስቀሳና ጥሪ ፣ብሎም በታጋዩ ሕዝብ ስም የሚያስፈራሩ መልእክቶችን በብዙሃን መገናኛዎች፣ማለትም በፌስቡክ፣በቫይበርና በመሳሰሉት መርዛቸውን እየረጩ ስለሆነ ከወጥመዱ ውስጥ እንዳይገባ፣ከትግሉ ጎራ  እንዳያፈገፍግየኢትዮጵያ  ሕዝብ  የጋራ  ትግል  ሸንጎ  ያሳስባል።በተመሳሳይም  ደረጃ  የኢትዮጵያን አንድነትና ሰላም፣የሕዝቡን ግንኙነትና አብሮ መኖር የማይፈልጉ፣በግርግር ሊጠቀሙ የሚሹ የውስጥና የውጭ አገር ጠላቶች ይህን ሕዝባዊና ሰላማዊ ትግል በመጥለፍ ወደሌላ አቅጣጫ ለመለወጥና ትርምስ እንዲፈጠር የተለያየ ዘዴ መጠቀማቸው ስለማይቀር ሰለባ ላለመሆን ነቅቶ መጠበቅ እንደሚያሻ ሸንጎ ያስገነዝባል። በተጨማሪም በሰላምና እርቅ ስም የተወሰኑ ስብስቦችን  ብቻ ያካተተ፣ሌሎቹን አገር ወዳዶች ያገለለ በውጭ ሃይሎች ምርጫና ግፊት    የጨቋኞችና የዘራፊዎች ስርዓት ዳግም እንዳይንሰራራ ነቅቶ መጠበቅ እንደሚያስፈልግ    ሸንጎ  ያሳስባል።የጉዳዩ ባለቤት የሆነው የኢትዮጵያ ሕዝብ እንጂ የውጭ ሃይሎች ስላልሆኑ መድረኩንና ውሳኔውን እንዳይቀሙት  መከላከል  ተገቢ  ነው።

ሙሉውን ለማንበብ ይህን ይጫኑ

Hits: 2841

የኢትዮጵያ ሕዝብ ተባበሩ፤ የታሪክ ግዴታችሁን ተወጡ እያለን ነው!

 

ኢትዮጵያውያን ከባላባታዊ አገዛዝ ተላቀው የነፃነት አየር ለመተንፈስ ሲዘጋጁ ወታደራዊ መንግሥት ሥልጣኑን ከሕዝብ ቀምቶ በሀገራችን ታሪክ ታይቶ በማይታወቅ ደረጃ ለ17 ዓመታት እያሸበረ ረግጦ ሲገዛ ኖረ። አለመታደል ሆኖ ትሻልን ትቼ ትብስን አገባሁ ሆነና በአጭር ጊዜ ውስጥ ለሁለተኛ ጊዜ ሕዝባችን ሥልጣኑን ተቀምቶ ላለፉት 25 ዓመታት በጠባብ ብሄረተኛውና በዘረኛው በህወሓት አስከፊ የጭቆና አገዛዝ እየተረገጠ ይገኛል። ይህ ጠባብ ብሄርተኛ ቡድን የብሄር ጥላቻን መርዝ እየረጨና እንደ ፖለቲካ መቆያ ስልት እየተጠቀመ አገሪቱንና ሕዝቦቿን ከፋፍሎና አዳክሞ ለአደጋ አጋልጧቸዋል። ዛሬ በአገዛዙ ያልተማረረ ኢትዮጵያዊ ፈልጎ ለማግኘት አይቻልም። በሸንጎ እምነት የሀገራችን ሁኔታ ከመጥበሻው ወደ እሳቱ እንዲሉ፣ በየጊዜው ሁኔታዎች እየተባባሱና አስከፊ እየሆኑ መጥተዋል።
ሀገራችን በተፈጥሮ ሀብታም ሆና ሳለ ብልሹ አስተዳደሮች በዓለም ደረጃ በድህነትና በረሃብ እንድትታወቅ አድርገዋታል። በአሁኑ ወቅት በሀገራችን ውስጥ ላሉት ችግሮች ሁሉ አልፋና ኦሜጋው አምባገነናዊ፣ ጠባብ ብሄርተኛውና በሙስና የተዘፈቀው የህወሓት ብልሹ አገዛዝ ነው። ይህ ኪራይ ሰብሳቢ ቡድን አባላቱን ሃብታም እያደረገ  አብዛኛውን  የኢትዮጵያን ሕዝብ በድህነትና በረሃብ አለንጋ ይገርፈዋል። ሕዝብ ለመብቱ ሲነሳ ህወሓት የሚስጠው መልስ ልዩ ኃይል ልኮ ሕዝቡን ማጥቃት ነው። የዚህ አገርአቀፍ የሆነ አስቃቂ የሥርዓት ግፍ መፍትሄው የህወሓትን አምባገነናዊ አገዛዝ ለአንዴና ለሁል ጊዜ በሕዝባዊ ትግል ከሥልጣን ማስወገድና አግላይ ያልሆነ የሀገሪቷን ዜጎች ሁሉ በእኩልነት የሚያሳትፍ ዴሞክራሲያዊ ሥርዓት መመሥረት ብቻ ነው። ይህን እውን ለማድረግ ደግሞ የኢትዮጵያ አንድነትና የተቃዋሚ ኃይሎች በመተባበር በአንድነት፣ በአንድ ቋንቋ፣ በጋራ መታገል ይኖርባቸዋል። በእኛ እምነት መላው ዓለም ተቃዋሚውን ሊያክብረውና  ሊቀበለው የሚችለው በጋራ በሚያገናኘን መለስተኛ  ፕሮግራም ዙርያ በመሰባሰብ  ለአንድ ብሄራዊ ዓላማ ተፈላልጎ፤ ተፈቃቅዶና ተባብሮ ሲነሳ ነው።
ህወሓት፤ በኢህአዴግ  ሽፋን  ሕዝብን  እየረገጠ  የሚገዛው፤  ባለፉት  25  ዓመታት በወገኖቻችን ላይ የፈጸመው ግፍ በሀገራችን አራቱም  ማዕዘናት  የተካሄደ  ለመሆኑ የኢትዮጵያ ሕዝብ ብቻ ሳይሆን የዓለምአቀፉ ማኅበረሰብም ጠንቅቆ የሚያውቀው ሃቅ ነው። ህወሓት በሥልጣን ላይ ለመቆየት ይጠቅሙኛል ያላቸውን እርምጃዎች ሁሉ ወስዷል። ሰብዓዊና  ዴሞክራሲያዊ  መብቶችን  ረግጧል፣  የነፃውን  ፕሬስ  አፍኗል፣  የሕዝብን  ድምፅ
 
ሰርቋል፣ ኅብረ-ብሄር የሆኑ ተቃዋሚ ድርጅቶችን አፍርሷል፤ በሰላማዊ መንገድ የተቃውሞ ድምፃቸውን  ያሰሙ   ወገኖቻችንን  አስሯል፣  ገድሏል፣  ከሀገር  እንዲሰደዱ  አድርጓል፣ እህቶቻችን በዐረብ አገሮች ስብዕናቸው እንዲደፈር አድርጓል፣ ወጣቶች ተሰደው በባህር እንዲሰምጡ፣  በበረሃ  እንዲሰየፉ  አስተዋጽዖ  አድርጓል፣  ሕዝብ  በሕዝብ  ላይ  እንዲነሳሳ መሠሪ የጠብ አጫሪነት ሚና ተጫውቷል፣ ኢትዮጵያዊነትን በመሸርሸር የጎሣ ፓለቲካን አስፍኗል፣ በሃይማኖት ውስጥ ጣልቃ በመግባት ለማጋጨት ጥሯል፣ ኤርትራን አስገንጥሎ ሀገራችንን ያለ  ወደብ  አስቀርቷል፣  የሀገራችንን  መሬት  ቆርሶ  ለሱዳን  ለመስጠት ተስማምቷል፣ ነዋሪዎችን ከቀዬአቸው እያፈናቀለ  ለምና  ድንግል  መሬታችንን ለ"ኢንቬስተሮች" ቸብችቧል፤ በጎንደርና በወሎ መሬቶችን እየነጠቀ ወደ ትግራይ ክልል አጠቃሏል፤ ነዋሪውን ሕዝብ ሳያማክር በብሄርና  በቋንቋ  በማደራጀት  ስም  መሬት  ካንዱ ወደ ሌላው በማካለል ተዋድዶና ተቃቅፎ አብሮ የኖረን  ሕዝብ  ደም  በማቃባት  ሥፍር ቁጥር የሌለው ወገናችን እንዲገደል በማድረግ በኅብረተሰባችን ውስጥ የነበረውን መልካም ግንኙነት እንዲበጣጠስ አድርጓል፣ የአማራውን ሕዝብ እየከፋፈለና እያሳደደ መቆሚያና መኖሪያ አሳጥቶታል..ወ.ዘ.ተ፣ ወ.ዘ.ተ። በአጠቃላይ ህወሓት ለሀገር አንድነት፣ ለልማትና ዕድገት የቆመ አገዛዝ ሳይሆን ዜጎቿን  እየበደለና  እየረገጥ  አፍኖ  በመግዛት  ሀገርን ለማጥፋት ሌት ተቀን ቆርጦ እየሠራ ያለ አምባገነንና  አሸባሪ  አገዛዝ  ነው።  የሀገራችን ችግሮች እምብርትም ችግሮችን በመቀፍቀፍ የሚታወቀውና የዜጎችን መብቶች የሚረግጠው ይኽው አምባገነኑ ህወሓት ነው።
በሃያ አምስቱ የህወሓት አገዛዝ ዘመን በሀገራችን ውስጥ ሰላም ሰፍኖ አያውቅም። በበደኖ፣ በአርባጉጉ፣ በአርሲ፣ በጎንደር አደባባይ ኢየሱስ፣ በሲዳማ፣ በአኝዋክ፣ በዩኒቨርሲቲ ተማሪዎች...ወ.ዘ.ተ ላይ የፈጸማቸው ጭፍጨፋዎች ለአብነት ከሚጠቀሱት ጥቂቱ ናቸው። በቅርቡ በአዲስ አበባ ማስተር ፕላን ሳቢያ የተጨፈጨፉ ወገኖቻችንና በአሁኑ ሰዓት ደግሞ በጎንደር  እየተካሄድ  ያለው  ግፍ  የሀገራችንን  ሕልውና  አሳሳቢ  ደረጃ   ላይ   አድርሶታል። አገዛዙ ሁኔታዎችን በጥሞና መርምሮ ትክክለኛ መፍትሄ መስጠት ባህሪው አይደለምና ለሕዝብ ጥያቄ እየሰጠ ያለው ምላሽ አሁንም ኃይልን በመጠቀም ፀጥ  ለጥ  አድርጎ ለመግዛት መሞከርን ነው። የሚዘገንነው ደግሞ ማንም የውጭ ኃይል  ጣልቃ  ሳይገባበት በጎንደር ሕዝብ ቆራጥነትና ደፋርነት የሚካሄደው ሕዝባዊ አመጽ “የሽብርተኞች አድማ፤ የኤርትራ መንግሥት እጅ የገባበት፤ የግንቦት ሰባት/አርበኞች  ቅስቀሳ”  እና  ሌላም  ሌላም እያለ የፈጠራ ወሬ ያስተጋባል። የጎንደር ሕዝብ ምንም ያላሰበውንና  ያላደረገውን  ራሱ ፈጥሮ  ሕዝባዊ  አመጹ  “በትግራይ  ተወላጆች  ላይ”  እልቂት  ለማምጣት  ነው  ይላል። የጎንደር ሕዝብ እንደሌላው  የኢትዮጵያ  ሕዝብ  ሁሉ፣  ህወሓት  ወንድሞቹና  እህቶቹ የሆኑትን የትግራይ ተወላጆች የማይወክል መሆኑን ጠንቅቆ የሚያውቅ፤ በኢትዮጵያዊነቱ የሚያምን፤ በጨዋነትና በትዕግስት የሚታገል ሕዝብ ነው።  ባጭሩ፤  የተመጽዋችነት ከረጢቱን ለመሙላት የሚጠቀምበትን  ካርድ ብቅ በማድረግ ችግር ፈጣሪዎቹ  አሸባሪዎችና የሻዕቢያ ተላላኪዎች ናቸው በማለት የአብዬን ወደ እምዬ እንዲሉ በሌሎች ላይ ለማላከክ እየሞከር ይገኛል። ይህ ጊዜ ያለፈበት  ብልጣብልጥነት  በኦሮሞያም፤  በኦጋዴንም፤ በጋምቤላም ወዘተ ታይቷል።   ሀቁ ግን ችግር ፈጣሪው እራሱ የህወሓት አገዛዝ ነው።
 
ወልቃይቴዎች ሕገ-መንግሥት ተብዬው በሰጣቸው  መብት  መሠረት  በተለያዩ  ጊዜያት በተለያዩ እርከኖች  ላይ  ለሚገኙት  የአገዛዙ  አካሎች  በሕጋዊ  መንገድ  የማንነት ጥያቄያቸውን አቅርበዋል። ይህም ጥያቄያቸው፤ “እኛ አማራ እንጂ ትግሬ አይደለንም፤ የጎንደር አካል እንጂ የትግራይ አካል ለመሆን  አንፈልግም”  የሚል  ነው።  ሆኖም፤ በተጨባጭ ያገኙት ምላሽ ወልቃይቴ ነን ያሉትን ንብረታቸውን መዝረፍ፣ ማሰር፣ ሴቶችን መድፈር፣ መሬታቸውን መቀማት፣ ንቁ ተሳትፎ የሚያደርጉትን  አፍኖ  ደብዛቸውን ማጥፋት፣ በሥራ መስክ አድልዖ ማድረግ...ወ.ዘ.ተ፣ ወ.ዘ.ተ ናቸው። ይባስ ብሎ አቤቱታቸውን ለአገዛዙ እንዲያሰሙ ሕዝብ የመረጣቸውን ወኪሎች አስሯል። በሰላም በመወያያት ችግሮችን ለመፍታት የሚጥሩ ወገኖችን ማሰርና ማሰቃየት ለህወሓት አዲስ አለመሆኑን ገና ከጠዋቱ የ1983 ዓ. ም የሰላምና ዕርቅ  ኮንፈረንስ  ላይ  ለመሳተፍ የተወከሉትን የተቃዋሚ ኃይሎች ማሰሩን ልብ ይሏል። ግፍ ሞልቶ ሲትረፈረፍ ሕዝብ መብቱን ለማስከበር ማናቸውንም እርምጃዎች  ይወስዳልና በጎንደርም  እየሆነ  ያለውም ይኼው ነው። በመሆኑም ሥፍር  ቁጥር  የሌለው  ሕዝብ  አልገዛም  ባይነቱን  በግልጽና በአደባባይ እየገለጸ ነው። ለመጀመሪያ ጊዜ፤ የጎንደር ወጣት፤ ሽማግሌ፤  መንፈሳዊ  አባት፤ እናት፤ ሴት፤ ወንድ፤ ሃብታምና ድሃ ሳይለይ  መላው  ሕዝብ  በሕዝባዊ  አመጹ  እየተሳተፈ ነው። በህወሓት ልዩ ቡድን የተገደሉትን የግል ባለ ኃብት ጎንደሬ የቀብር ሥነ-ሥርዓት ለማክበር የወጣው ሕዝብ “የሦስት ጥምቀቶች” በዓልን ሕዝብ ቁጥር ያካትታል። ይህ ብቻ ሕዝቡ  ቆርጦ  የተነሳ  መሆኑን  ያሳያል።
አሁን ያለው መፍትሄ አንድና አንድ ነው። ኢትዮጵያ፣ የዓለምአቀፉን የሰብዓዊ መብቶች መግለጫ፣ የሲቪልና የፖለቲካ መብቶች ቃልኪዳን፣ የአፍሪካ የሰብዓዊና የሕዝቦች መብቶች ቻርተርን ፈራሚ ስለሆነች ይህንኑ ስምምነቷን አገዛዙ በተግባር  መተርጎም  ያለበት  ጊዜ ነው። ሀገራችን ወደ አስከፊ የሕዝብ  መተላለቅና  የንብረት  መውደም  ውስጥ  ከመግባቷ በፊት ለአገዛዙም የወንድ መውጫ በር እንዲሉ የሚበጀው አሁን ያለው  ፍጥጫ  ውጤቱ መጥፎ እንዳይሆን የሕዝብን ጥያቄ አዳምጦ በሰላማዊ መንገድ ለመመለስ መሞከር ነው። ከሕዝቡ ጥያቄ አንዱና  ዋናው  የታሰሩትት  የኮሚቴ  አባላት  ያለምንም  ቅደመ  ሁኔታ መፍታት ነው። ሁለተኛው ሕዝቡን ለማስፈራራት ወደ ጎንደር  የተላከው  የህወሓት  የጦር ኃይል ወደ ካምፑ እንዲመለስ ማድረግ ነው።
አገዛዙ ይህንን ዕድል ተጠቅሞ ችግሩን በሰላማዊ መንገድ ሳይፈታ ቢቀር ለሚደርሰው የሕዝብ እልቂትና የንብረት መውደም ተጠያቂው ሙሉ በሙሉ ህወሓትና ህወሓት ብቻ መሆኑን ከወዲሁ ለመግለጽ እንወዳለን። በአርቆ አሳቢው ሕዝባችን በኩል ደግሞ አገዛዙ ለሚያሰራጨው የጥላቻና የከፋፋይ ደባ ሰለባ ሳይሆን የሀገርና የወገንን ንብረት በመንከባከብ እስካሁን እንደሚያደርገው ኢትዮጵያዊ ጨዋነትን  በተላበሰ  መልክ  አንድነቱን  አጠንክሮ እጅ ለእጅ ተያይዞ የአገዛዙን ፀረ-አንድነትና ፀረ-ኢትዮጵያዊነት ቅስቀሳ በማምከን በወንድማማችና በእህትማማችነት መንፈስ በአንድነት በመታገል የአገዛዙና የሆድ-አደሮችን ቅስም በመስበር ትግሉን በማጧጧፍ ወደማይቀረው ሕዝባዊ ድል በሚያመራው ጎዳና ላይ እንዲጓዝ   እናሳስባለን።   በማንኛውም   ሕዝባዊ   እንቅስቃሴ   ውስጥ   አንዳንድ   ጋጠወጦች
 
የሚፈጥሩት አላስፈላጊ ጥፋት ሊኖር እንደሚችል በዓለም ላይ በተደጋጋሚ የታይ ቢሆንም፣ ሕዝብን ከሕዝብ ለማጋጨት የሚሠሩ ግለሰቦችም ሆኑ ቡድኖች መወገዝ ይኖርባቸዋል። በጎንደር ውስጥ ቤቶችና ንብረቶች ሲወድሙ አንድም ግለሰብ የሰውን ንብረት እንዳይነካ መደረጉ የሕዝቡን ጨዋነት ያስመሰክራል። ይህ ደግሞ ለመላው የዓለም ሕዝብ ከፍተኛ ትምህርት  ነው  እንላለን።
የሀገር ዳር ድንበርን ለመጠበቅና ሕዝብን ለማገልገል የተሰለፋችሁ የመከላከያ ሠራዊትና የፀጥታ ኃይሎች ከኢትዮጵያ ሕዝብ አብራክ የወጣችሁ እንደመሆናችሁ መጠን ግዳጃችሁ ሀገርንና ሕዝብን ማገልገል ነው። ከሕዝቡ ጎን ቁሙ እንላለን። ውሎ አድሮ እንደማንኛውም አምባገነን ትቢያ ለሚሆነውን አገዛዝ መጠቀሚያ በመሆን ታሪክና ትውልድ እንዳይጠይቃችሁ ወደ ሕዝብ ጎራ እንድትቀላቀሉ ከአሁኑ እናሳስባለን።
የኢትዮጵያ ሕዝብ የጋራ ትግል ሸንጎ (ሸንጎ) በተደጋጋሚ እንዳቀረበው አሁንም የተቃዋሚ የአንድነት ኃይሎች፣ ድርጅቶችና መሪዎች፣ ሀገራችን መዳረሻው ወደማይታወቅበት አዘቅት ውስጥ  እያመራች  መሆኗን  በመረዳት  አዘቅቱ  ውስጥ  ከመግባቷ   በፊት   እንድንታደጋት በጋራ መታገል እንደሚገባን  አሁንም  በድጋሚ  ጥሪያችንን  እናቀርባለን።  ተቃዋሚዎች በሕዝብ የተመረጠ ዴሞክራሲያዊ መንግሥት መመሥረት የሚችሉት የፖለቲካ ውድድር በማድረግ ስለሆነ ይህ ደግሞ እውን ሊሆን የሚችለው ሀገር ስትኖር ነውና ተባብረን ሀገራችንን  ከህወሓት  መንጋጋ  እናላቅቃት  እንላለን።  ይህን  ማድረግ  ሳንችል  ብንቀር ታሪክና ትውልድ እንደሚጠይቀን በመረዳት ለዚህ  ሀገር  አድን  ጥሪ  አወንታዊ  ምላሽ በመስጠት  አሁንም በጋራ እንድንታገል ሸንጎ በድጋሚ ጥሪውን ያቀርባል።
በመጨረሻም ሸንጎ ከጎንደር ሕዝብ ጎን መቆሙን እያረጋገጠ፤ የሀገር ሉዓላዊነትና አንድነት እንዲከበር፣ ዜጎች በሕግ ፊት በእኩልነት እንዲታዩ፣ የዴሞክራሲያዊና ሰብዓዊ መብቶች እንዲከበሩ፣ ዜጎች በማኅበራዊና  በፖለቲካው  ዘርፍ  እኩልነታቸው  እንዲረጋገጥና ዴሞክራሲያዊት ኢትዮጵያ እንድትመሠረት የሚታገል  ድርጅት  ነውና  የጎንደር  ሕዝብ መብቱን ለማስከበር የሚያደርገውን ትግል  ሙሉ  በሙሉ  ይደግፋል፣  ተጠናክሮ እንዲቀጥልም  የድርሻውን  ያበረክታል።  በአንፃሩ  ደግሞ  አገዛዙ  በጎንደርና   በሌሎች የኢትዮጵያ ክፍሎች ውስጥ የሚያካሂደውን ጭፍጨፋ እስራትና ግድያ ሸንጞ በከፍተኛና በማያሻማ ቋንቋ ያወግዛል።
የተባበረ ትግል የድል ዋስትና ነው! ኢትዮጵያ ለዘላለም ትኑር!

Hits: 2803

የሕዝብ መብት የማያከብር መንግሥት በሕዝብ አመፅ ይወገዳል

ላለፉት ሃያ አምስት ዓመታት ሥልጣኑን በጉልበት ወስዶ፣ የሕዝቡን መብት  ገፎ፣  ያገሪቱን ሃብትና ንብረት የሚዘርፈው ቡድን ሥልጣኑና አድራጎቱ ዝንተ-ዓለማዊ  እንደማይሆን ከወደቁትና  ከተወገዱት  ተመሳሳይ  መንግሥታት  ታሪክ  ገና  አልተማረም።  ከፋፍዬ እኖራለሁ የሚለው ስልቱ እየተጋለጠ በየአቅጣጫው በሕዝብ ተቃውሞ  እየተዋከበ  ይገኛል። ወደ ታሪክ መቃብር የሚገባበት ቀን እያጠረ መጥቷል። አሁን በጎንደር ቀደም ሲል በሸዋ,በተለያዩ  ያኦሮሚያ  ክልል  አካባቢወች  በጋምቤላና  በሌሎቹም  ያገሪቱ  ክፍሎች የተነሳው ሕዝባዊ አመፅ  ይህን  የሚያመላክቱና  ውድቀቱን  የሚያፋጥኑ  ተቃውሞዎች ናቸው።........ ሙሉውን አስነብበኝ

Hits: 4776

የመብት ማስከበር ትግሉ ተጠናክሮ ይቀጥላል

 

የስርአቱ ጸጥታ ሀይሎችና ባለስላጣኖች ባለፈው እሁድ ሰኔ 26፣ 2016 ሰማያዊ ፓርቲ  በባህርዳር ለማካሄድ ያቀደውን ህዝባዊ ስበሰባ በመከልከል ለዚሁ ስራ ተሰማርተው የነበሩትን የፓርቲው የህግ ክፍል ሀላፊና የስራ አስኪያጅ ኮሚቴ አባል የሆኑት አቶ አዲሱ ጌታነህ፣ ሌሎች የድርጅቱን አባላትና የባህር ዳር አደራጆችን እንዲሁም ለዚሁ ስራ የሚያገለግለውን መኪና ሺፌርረዳት  ሳይቀር  ባጠቃላይ አስራአንድ ሰዋች በማሰር የታቀደው የህዝብ ስብሰባ እንዳይሳካ አድርጓል።..........ሙሉውን አስነብበኝ

Hits: 4401

በሕዝብ ደም የሥልጣን ዕድሜ ማርዘም!

ሰኔ 13፣ 2008 (ጁን 20፣ 2016)

በዓለም ላይ ከሚታዩት መንግሥታት ውስጥ ሁለት ዓይነት መንግሥታት ጎልተው የሚታዩ ሲሆን፤ ሁለቱም ወደ ሥልጣን እርካብ የሚወጡበት መንገድ የተለያየ ነው።
አንደኛው በሕዝብ ምርጫና ፍላጎት፣ በዴሞክራሲ መንገድ ሥልጣኑን ለተወሰነ ዓመት የሚረከብ ሲሆን ሌላው ደግሞ በራሱ ፍላጎትና ውሳኔ፣ የሕዝብን ድምፅና ፍላጎት ሳይሰማና ሳይጠይቅ በመሣሪያ ኃይል አስፈራርቶና ደምስሶ የሥልጣኑ ባለቤት የሚሆን ነው።
የመጀመሪያውን የስልጣን ባለቤትነትን የሚከተል የግድ የዲሞክራሲን ሕግና ባህል የተቀበለና በዛም የሚያምን መሆንን፣ ችሎታንና ሕዝባዊነትን፣አገር ወዳድነትን ይጠይቃል።በሁለተኛው የስልጣን አወጣጥ ግን ሃይልን፣ማንአለብኝነትን፣የተከተለ ጭካኔን ብቻ የሚጠይቅ ነው።በመሆኑም አምባገነንና ፈላጭ ቆራጭ ተብለው ይጠራሉ ወይም ይመደባሉ።፣
አገራችን ኢትዮጵያ ላለፉት ዘመናት በሁለተኛው ዓይነት በስልጣን ላይ በተቀመጡ አምባገነኖች በሚከተሉትና በሚያሰፍኑት ስርዓት ስር ስትማቅቅ የኖረች አሁንም እየማቀቀች የምትገኝ አገር ነች።ሌሎቹም የቅርብና የሩቅ የጎረቤት አገሮች እንደዚሁ በአምባገነን በሆኑ በተመሳሳይ ዓይነት ስርዓቶች ስር የሚማቅቁ ናቸው።
የአምባገነን መንግሥት ወይም ስርዓት የስልጣን ዘይቤ አመጽና ጦርነትን መሰረት ያደረገ ነው። በዚህ አስተሳሰብ የተለከፉት በጦርነትና በሃይል ስልጣን ይይዛሉ፣በጦርነትና በሃይልም የስልጣን ዕድሜያቸውን ያራዝማሉ።ለእነሱ ሰላምና የሕዝብ መረጋጋት አጥፊያቸው ነው።ሰላም የማይኖርበትን መንገድ ይፈጥራሉ፤ሁል ጊዜ ሕዝብ በስጋትና በፍርሃት እያደረ ወደ እነሱ አጥፊ ስርዓት ፊቱን እንዳያዞርና የትግል ስሜቱ እንዲኮላሽ ያደርጋሉ።ከነዚህም ዋናውና አንዱ ስልታቸው በአገር ውስጥና በጎረቤት አገር ሽብርና ጦርነት የሚነሳበትን መንገድ መፍጠርና “አገርህ በውጭ ወራሪ ሃይል ተከበበች ወይም ተወረረች” የሚለው የክተት ጥሪ ማወጅ ይሆናል።በራሳቸው አናት ላይ ያለውን ሸክምና አደጋ በሕዝቡ ትከሻ ላይ ለመወርወርና ትኩረቱን ለመቀየር የማይገለብጡት ድንጋይ የለም።ይህን የጥፋት መልእክት የሚቃወሙትን በመግደል፣እምቢ ያሉትን አፍሶ በማስገደድ የጦር ሜዳ ጭዳ ያደርጉታል።ስልጣን ሲይዙ የሕዝቡን ደም በማፍሰስ እንደሆነው ሁሉ በሥልጣንም ላይ ለመቆየት እንዲሁ ሕዝብ ደሙን እንዲያፈስላቸው በማስገደድና በማታለል ሰፊ ዘመቻና ዝግጅት ያደርጋሉ።በጦርነቱም ጊዜ ሆነ ማግስት ለሕዝቡ የሚተርፈው ነገር ቢኖር ፣በጦር ሜዳ መሞት፣መቁሰል፣አካለጎደሎ መሆን፣ የንብረት መውደም፣መፈናቀል፣ በስንቅና ትጥቅ የግልና የአገሪቱን ሃብት ማባከን ነው። ከዚያም በላይ ጦርነቱ ሲያልቅ በሕዝብ መካከል የማይከስም የእርስ በርስ ጥላቻና ቋሚ ጠላትነት መፍጠር ይሆናል።
የሰሞኑም በኢትዮጵያና በኤርትራ መካከል ተከሰተ የተባለው ግጭት በሥልጣን ላይ የተቀመጡት ሁለት አምባገነኖች የሚጫወቱት የዚሁ የሥልጣን አድን ቲያትር ውጤት ነው።ያለፈውም ሆነ በየጊዜው የሚነሳው ውጥረትና ግጭት የወያኔና የሻእብያ የጥቅም ግጭት እንጂ የሕዝብ ግጭት አይደለም።ሁለቱም አምባገነን ሥርአቶች በሕዝብ የተጠሉ ናቸው፡፤ሁለቱም መንግሥት ነን ባይ ቡድኖች እጃቸው በንጹሃን ደም የጨቀዬ ነው።በሁለቱም ስርዓቶች ስር የሚኖረው ሕዝብ ለነጻነትና ለዴሞክራሲ የሚያደርገው ትግል እያደገ በመሄድ ላይ ነው።ይህንን ሕዝባዊ አመጽና ትግል ለማፈንና ለማቀዝቀዝ ያላቸው አንዱና ቀሪው መሳሪያ “አገርህ ተወረረች” በሚል ጩኸት ማደናገርና በእነሱ ላይ ያነጣጠረውን ፍልሚያ ለጊዜው እንዲረሳና ወደ አላስፈላጊ ጦርነት ገብቶ እርስ በርሱ እንዲተላለቅ ማድረግ ነው።የዚህ አይነቱ ስልት የዛሬ አስራ ስድስት ዓመት የተጠቀሙበት ሲሆን የብዙ መቶ ሽህ ንጹሃን ደምና የአገር ሃብትና ቅርስ ወድሞ እስከ አሁንም በሥልጣን ላይ ለመቆየት እረድቷቸዋል።የሰሞኑም  ተንኳሽ  ግጭት  ከዚያ  የተለየ  አይደለም።ያለፈው  ጦርነት  ለሕዝብ  አለመተማመንና  መራራቅ
 
እንዳገለገለ ሁሉ ያሁኑም በሁለቱም ተንኳሽነት የሚካሄደው ግጭት ወደ ከፍተኛ ጦርነት ቢያመራ ከሚያደርሰው የሕይወትና የሃብት ጥፋት በላይ ከዚያ ለከፋ ለከባቢ ቀውስና ለሕዝብ ቋሚ ጠላትነት የሚዳርግ ይሆናል።
ህወሃት/ኢሕአዴግ ባለፈው ጊዜ ከሻእቢያ ጋር ባደረገው ጦርነት የኢትዮጵያን መብት፣ ክብርና ዳር ድንበር እንዳላስጠበቀና እንደውም ጎጂ በሆነ ውልና መደራደር የአገራችንን ጥቅም አሳልፎ የሰጠ፣የአገር ክህደት የፈጸመ፣ ለውጭ ሃይሎች ጣልቃ መግባትና በሰላም ፈላጊነት ሽፋን ከመጠቀም ሌላ ያመጣው ጥቅም የለም።አሁንም የዚህ የጦርነት አዝማሚያ ለቀጣይ የሁለት አምባገነኖች እርቅና ድርድር መንደርደሪያ ሊሆን ይችላል።ከድርድር በዃላም የሚገኘው ውጤት የኢትዮጵያን ህልውናና ታሪካዊ መብት የሚያፈርስና አሳልፎ የሚሰጥ እንጂ የሚያረጋግጥና የሚያስከብር አይሆንም።በኤርትራ የሰፈነው ሥርዓትና መንግስት ለኢትዮጵያ ቅንጣት ያህል አይጨነቅም፤ሙሉ ለሙሉ ተበታትናና ተዳክማ ብትኖር ፍላጎቱ ነው።ጠንካራ ኢትዮጵያ፣አንድነቷን የጠበቀች ኢትዮጵያ፣ዴሞክራሲ የሰፈነባት ኢትዮጵያ ለእሱ መኖር አደጋ ነው።ለጊዜው ከህወሃት መራሹ ኢሕአዴግ የተጣላ ቢመስልም፣እንደ ህወሃት መራሹ ቡድን ሊያገለግለው የሚችል ሌላ ቡድን ካልፈጠረ በስተቀር ኢትዮጵያን በማፈራረሱ ደረጃ ከወያኔ የተሻለ አጋር ሊኖረው እንደማይችል ያውቀዋል። ህወሃት/ኢሕአዴግም እንደዚሁ።የአሁኑም እሰጥ አገባ የሁለት ወዳጆች ጊዜያዊ ጠብ ነው።አህያ ላህያ ቢራገጥ ጥርስ አይሳበርም!!እንዲሉ።ይህን ሁሉ ስናገናዝብ ጦርነቱ የሕዝብን ጥቅም የሚያስከብር ሳይሆን አምባገነኖች ለሥልጣናቸው መራዘም የሚገለገሉበት መሣሪያ ሆኖ እናገኘዋለን።
ሕዝብ በሰላምና በመቀራረብ፣ ሊኖር የሚችለው ጦር ሰባቂ የሆኑ አምባገነን ሃይሎችና መንግሥታት ሲወገዱና በዴሞክራሲ ስርዓት ሲተኩ ብቻ ነው።ለዚያ ደግሞ በአምባገነኖች የሚጎሸመውን የጦርነት ነጋሪትና አዋጅ ሳይቀበሉ ተባብረው የጋራ ጠላታቸው የሆኑትን የአምባገነን ስርዓቶች ለማሶገድ ሲነሱ ነው።የሻእቢያን ስርዓት የሚቃወሙም ሆነ የህወሃት/ኢሕአዴግን የሚቃወሙ ማወቅ የሚገባቸው አንዱን አምባገነን ተጠግቶ ሌላውን አምባገነን ማሶገድ እንደማይቻል ነው። የሚታገሉት ለዴሞክራሲ ስርዓት ከሆነ እነዚህ በስልጣን ላይ ያሉት አምባገነኖች ጠላቶቻቸው ናቸው ።የትም ይሁን የትም አምባገነን አምባገነን ነው፡፤ለዲሞክራሲ የቆመ ሃይል ከሁለት አንዱን አይመርጥም።”ከጅንጀሮ ቆንጆ ምን ይመራርጧል” ነው።ጅንጀሮ ጅንጀሮ ነው አምባገነንም አምባገነን!!
የኢትዮጵያ ሕዝብ የጋራ ትግል ሸንጎ(ሸንጎ)አሁን በኤርትራና በቀረው ኢትዮጵያ ሕዝብ ላይ የተቀመጡት ሁለት አምባገነን ቡድኖች የቀውስና የጦርነት ተጠያቂዎች እንደሆኑ ያምናል፡፤ሕዝብ እነዚህ ጦረኛ፣አምባገነንና ዘራፊ ቡድኖች ለዘረጉት የዕድሜ አርዝም የጦርነት ጥሪ ጆሮውን እንዳይሰጥ፣ደሙን እንዳያፈስ እያሳሰበ ብሎም ሃይሉን አስተባብሮ እነዚህን አምባገነኖች ለማሶገድና በሰላም ለመኖር የሚችልበትን መንገድ እንዲፈጥር ተባብሮ እንዲነሳ ጥሪ ያደርጋል።ሻእቢያና ህወሃት መራሹ ኢሕአዴግ በሥልጣን ላይ እስካሉ ድረስ የኢትዮጵያና የኤርትራ ኑዋሪ ሕዝብ ብቻ ሳይሆን የከባቢው ሕዝብ በሰላም አይኖርም።
በጦርነት ሰበብ አድርጎ ድርድር በመክፈት የአገርን ጥቅምና መሬት አሳልፎ ለመስጠት የሚደረገውን የብልጦች አስመሳይ እሩጫና ዝግጅት ሁሉም ሊያውቀውና ሊታገለው ይገባል። በኢትዮጵያዊነታቸው የሚያምኑ፣ለአገራቸው ጥቅም እንቆማለን የሚሉ የገዝው ቡድን ደጋፊወች ጭምር ከሌላው አገር ወዳድ ጋር ተባብረው በስማቸው የሚፈጸመውን ክህደትና አገር ጎጂ ተግባር ሊቃወሙት ይገባል። ያለፈው ይብቃ !ብለው መነሳት ይጠበቅባቸዋል።
በውጭ የሚኖረውም ዜጋ ጦርነቱን እንዲያወግዝና ሁለቱም አምባገነን ስርዓቶች እንዲወገዱ በጋራ እንዲታገል ጥሪያችንን አሁንም እናቀርባለን።
የኢትዮጵያ ሕዝብ የጋራ ትግል ሸንጎ(ሸንጎ)

Hits: 1837