የኢትዮጵያ ህዝብ የጋራ ትግል ሸንጎ [ሸንጎ] ኦፊሴላዊ ድረ ገፅ

home

Facilitating All-inclusive Process for a Non-violent Political Transition

Rescuing Ethiopia from impending major crisis: The ‘fierce urgency

of now’ and facilitating all-inclusive process for a non-violent

political transition
A position paper of Shengo

 

24 October 2016
It has been some time now since Ethiopia has plunged into a political crisis. This follows the recent popular protest of Ethiopian Muslims, the uprisings in different parts of the Oromo region and the North West provinces of Gonder and Gojam in the Amhara region. During this period, the ruling TPLF-led regime (EPRDF) is employing the same old tactics that it has used for 25 years to crush the popular uprising and to stay in power. Despite the regimes ongoing use of brute force however, the popular resistance is growing and gaining momentum both in its intensity and scale.
This new reality requires a new political approach. Thus, Ethiopia should urgently embark on formulating an all-inclusive political process or risk a wide spread resistance, that could engender more catastrophic consequences and could veer off to unforeseen directions. Sadly, so far the very nature of the autocratic rulers deny them to have an insight of the reality and do not have the political will to relent to the popular demand for overhaul change. .....To Read the full Document in PDF
 

Hits: 2917

በራሱ ሕዝብ ላይ የሚዘምት መንግሥት ወይስ አሸባሪ

 

ሸንጎ ገና ከጅምሩ አንስቶ ህወሃት/ኢሕአዴግ የተሰኘው አገር አጥፊ ቡድን ለምን ዓላማና ለማንስ ጥቅም እንቀደቆመ ሲገልጽ ቆይቷል፤ከዚህ መግለጫ በፊትም “የጥፋት ደወል ሲያንቃጭል”በሚል እርእስ ስርዓቱ የደረሰበትን ደረጃና ሊቀጥል የሚችለውንም አደጋ አሳይቷል።
በትናንትናው ዕለት በአገራችን ብቻ ሳይሆን በዓለም አቀፍ ደረጃ፣እንኳንስ ለሕዝብ ቆሚያለሁ እያለ የሚዋሽ መንግሥት ቀርቶ የውጭ ወራሪ ሃይልም ይፈጽመዋል ተብሎ በማይጠበቅ መልኩ የራሱን ሕዝብ ከአየርና ከመሬት ዓልሞ ተኳሾች፣ለአገር መከላከያ ተብሎ በሕዝብ ሃብት የተቋቋመና ደመወዝ የሚከፈለውን ወታደር ሳይሆን ሆድ አደር ሰራዊት አዝምቶ በእጁ ግፋ ቢል የሰላም ምልክት የሆነ ለምለም ቅጠል ጨብጦ ብሔራዊ የባህል በዓል ለማክበር በወጣው በሚሊዮን የሚቆጠር ኢትዮጵያዊ ሕዝብ ላይ የጥይት ዝናብ አዝንቦ በመቶዎች የሚቆጠሩ ዜጎችን ሲገል በሽህ የሚቆጠሩትን ደግሞ በማቁሰል ለአካለስንኩልነት ዳርጓቸዋል።
በዚህ የእልቂት ዘመቻ ሰለባ የሆነው አብዛኛው ወጣት ሲሆን አዛውንትና አሮጊቶች፣የዕድሜ ክልልና ጾታ ሳይነጥለው ከአገሪቱ ክፍለ ሃገር ከጫፍ እስከጫፍ መጥተው የተካፈሉበት ነበር፤ምንም እንኳን በዓሉ የኦሮሞ ማህበረሰብ ባህላዊ በዓል ቢሆንም ሁሉም ኢትዮጵያዊ የኔም በዓል ነው በማለት ከአማራው፣ ከአፋሩ፣ከወላይታው፣ከኦጋዴው፣ ከጉራጌው፣ከጉሙዙ፣ከጋምቤላው፣ከኮንሶው፣ …ወዘተ እስላሙና ክርስቲያኑ ሃይማኖትና ቋንቋ ሳይለየው አንድ ላይ ለማክበር የተሰበሰበ ሕዝብ ነበር።ይህ የሕዝብ መቀራረብና መተሳሰብ ያስጨነቀው አገር አጥፊ ቡድን ከብዙ ጊዜ ጀምሮ ሲለፋበት የኖረው የከፋፍለህ ግዛ መመሪያ እንዳልሰራለት በመገንዘብ አደርገዋለሁ ያለውን የእልቂት ዛቻ በትናንትናው ቀን በተግባር ገልጾታል።በዚህም ብቻ የሚያበቃ አይሆንም፤ ይህ ህወሀት መራሹ  ቡድን እንደሚጠረጠረውና እንደሚጠበቀው ኢትዮጵያን  አተረማምሶ ህዝቡንም አርሰ በርስ አፋጅቶ  አስከመሄድ የሚደርስ አጥፊ አጀንዳውን እውን እንደሚያደርገው ይህ የትናንቱ እርምጃው ጉልህ ማስረጃ ነው።
የሕዝቡ ታሪካዊ ግንኙነትና ትስስር በትናንትናው ዕለት ከጎጃም፣ ከጎንደር፣ከወሎ ከአዲስ አበባ   ከኦሮሞው ወገኖቻቸው ጋር በዓሉን ለማክበር ቢሸፍቱ ሄደው ከኦሮሞው ወገናቸው ጎን የተሰዉት፣ ለፍቅርና ለአንድነት የከፈሉት የሕይወት ዋጋና ያፈሰሱት ደም  ለሕዝቡ በተለይም ለአማራውና ለኦሮሞው ማህበረሰብ እንደቆየው አብሮ መኖር ሲሚንቶና አሸዋ ነው። እነዚህ ማህበረሰቦች አገራቸው በውጭ ጠላት በተወረረችበትም ጊዜ ጦርሜዳላይ ተቃቅፈው ወድቀዋል፤ለእኛ መኖር የጋራ ዋጋ ከፍለዋል።በዚህ አረመኔያዊ ጭፍጨፋ አንድ የሃያሁለት ዓመት ወጣት፣ ሊመረቅ የተቃረበ የዩኒቨርሲቲ ተማሪ የሆነ ልጃቸውን ያጡ እናት “ሃዘኔ ገደብ ባይኖረውም፣ካንጀቴ ባይወጣም፣ አንዱ ልጄ፣ጦሮ ይቀብረኛል ያልኩት ልጄ እንደ አጋዚ ወታደር ወገኑን ለመግደል ወጥቶ የቀረ ሳይሆን ከወገኑ ጎን ተሰልፎ በመሞቱ አላሳፈረኝም፤ይብላኝ!  ወገኑን ለመጨፍጨፍ ለተሰለፈው ለአጋዚና ለመንግሥት ሆድ አደር ወታደር እናት ለሆነችው!” በማለት የልጃቸውን መሞት በኩራት ተቀብለዋል።ከዚህ የበለጠ ፍቅር፣የአንድነትና የአብሮነት ምልክት ምን አለ?በሌለ አቅም ስድስት መቶ ኪሎሜትር ተጉዞ ከኦሮሞው ወገኑ ጋር በጥይት ተመቶ ሲያሸልብ አንድ ህይወቱን አሳልፎ ሲሰጥ ከዚህ በላይ ኦሮሞው  ከሌላው ለኢትዮጵያዊነቱ  ምን ማረጋገጫ ይፈልጋል?
እርግጥ ነው ለሰላም.ለአንድነት፣ለአብሮነት መሞት ያኮራል።ለሕዝብ ጠላት ለሆነ አረመኔ ሥርዓት ተቀጥሮ በወገኑ ላይ እልቂት ለሚፈጽም ሆድ አደር ቅጥረኛ ዘመድ አዝማድ፣ልጅ፣ሚስት ቀርቶ ጎረቤት ያሳፍራል።
የኢትዮጵያ ሕዝብ የጋራ ትግል ሸንጎ(ሸንጎ)የህወሃት/ኢሕአዴግ አገር አጥፊ ቡድን በወገኖቻችን ላይ የፈጸመውን ጭፍጨፋ እያወገዘ፣በተቃዋሚው ጎራ የሚገኘው ኢትዮጵያዊ ሁሉ የቢሸፍቱን የአንድነት አርማ በመያዝ በመካከሉ ያለውን መናኛ ልዩነት አሶግዶ በአንድ እንዲቆም አሁንም ሳይሰለች ጥሪውን ያቀርባል።ሕዝቡ ጎሳ፣ቋንቋና እምነት ሳያግደው፣የቦታ እርቀት ሳይገድበው ለአንድ ሕዝባዊ በዓልና ዓላማ እንደተሰለፈው ሁሉ በውጭና በውስጥ የሚገኘውም ሃይል አብሮ መቆም አለበት።
ይህ በወገኖቹ ላይ ጭፍጨፋ የሚፈጽም ቡድን በዓለም አቀፍ የሰብአዊ መብት አስከባሪ ድርጅት ውስጥ አባል እንዲሆን የድጋፍ ድምጽ የሰጡትን የውሳኔያቸው ውጤት ምን እንደሚመስል እንዲያውቁት ማድረግ ይገባል።በተጨማሪም የዚህ እኩይ መንግሥት ምንነት ሲገለጽላቸው የቆዩትና በዝምታ የተቀመጡት የውጭ አገር መንግሥታትና ድርጅቶች የሚሰጡትን ድጋፍ እንዲያነሱ መጠየቅ፤ካላነሱና ግንኙነታቸውን ካልመረመሩት እነሱም በኢትዮጵያ ሕዝብ ላይ ለተፈጸመውና ለሚፈጸመው በደል ተጠያቂዎች እንደሚሆኑ መግለጽ ተገቢ ነው።እርዱን ብሎ ከመጠየቅና ተነጣጥሎ በጓዳ በር እየገቡ ከመለማመጥ በእራሳችንና በሕዝባችን ተማምነን፣እጅ ለእጅ ተያይዘን የተጀመረውን ሕዝባዊ ትግል ማፋፋምና ከግብ እንዲደርስም ማድረግ ይኖርብናል።
የህወሃት/ኢህአዴግ ተብየው ቡድን የሚቀጥለው እርምጃው አጥፍቶ መጥፋት ስለሚሆን መውጫ ቀዳዳ እንዳያገኝ በሩን መዝጋት ያስፈልጋል።ለዚህ ሁሉ የገንዘብና የቁስ አቅርቦት ወሳኝ ነው።ይህ ዝግጅት  ከቅስቀሳው ሥራ ጎን ለጎን መከናወን ያለበት ጉዳይ ነው። አሁን የምንሠራበት እንጂ የምናወራበት ጊዜ አይደለም።ያለንበት ወቅት የነጵነት  ትግሉ የሚያስከፍለው ዋጋ ከባድ ቢሆንም ዘረኛውን ስረአት ደምስሰን የህዝባችንን ድል እውን ለማድረግ  እጅግ የተቃረብንበት ነው ::
የጋራ ዓላማችን ይህን እኩይ መንግሥት አውርዶ በሁሉን አቀፍ  የሽግግር መንግሥት መተካት መሆን አለበት እንጂ በሽርፍራፊ ለውጥ ተሞዳሙዶ ለቀጣይ እልቂት ሰለባ መሆን አይገባውም። መጭው ዘመንና ስርአት ከፋፋይ ፖለቲካ አክትሞ ሁሉም ኢትዮጵያዊ በአኩልነት የሚታይበትና የሚኖርበት  አንድነትና  አብሮነት በክብር የሚዳበሩበት እንዲሆን እንታገላለን
አንድነት በአንድነት!!
የቢሸፍቱ እልቂት ለኢትዮጵያ ትንሳኤ የተከፈለ መስዋእትነት ነው!  
መስከረም 23፣2009 (October 3, 2015)

Hits: 2890

ዳግማዊ ጴጥሮስ

  

በዛሬው እለት ከጎንደርና ከጎጃም በኩል ዘልቆ የደረሰን ዜና በሁለቱም ክፍለሃሮች ውስጥ                                                         

 

 

 

ዳግማዊ ጴጥሮስ

በዛሬው እለት ከጎንደርና ከጎጃም በኩል ዘልቆ የደረሰን ዜና በሁለቱም ክፍለሃሮች ውስጥ የሚገኙት የሃይማኖትአባቶች፣ቀሳውስቶችና ዲያቆናት  በአዲስ  አበባው  ጳጳስና  ሲኖዶስ  የማይመሩ መሆናቸውን ይፋ አድርገዋል።ባወጡት ዝርዝር መግለጫ በአገራችን ላይ የሰፈነውን  ዘረኛ መንግሥትና በሕዝቡ ላይ በመፈጸም ላይ የሚገኘውን  እልቂትና  ጭፍጨፋ፣ማሳደድና  ማሰር አጥብቀው የሚቃወሙ እንደሆነ አስምረውበታል። “ፈጣሪ ከደካሞችና ከሚጠቁት ጎን ተሰለፉ” የሚለውን መሪ ቃል በማውሳትም ማንኛውም የሃይማኖት መሪ ይህን የፈጣሪ ትእዛዝ መቀበልና መፈጸም  እንዳለበት  አሳስበዋል፤የነሱም  መንገድ  ይህንኑ  የሚያበስርና  የጀግናውና  አገር   ወዳዱ የአቡነ ጴጥሮስን አርማ የተሸከመ እንደሆነና የሚመጣውን ለመቀበል መዘጋጀታቸውን፣ደረታቸውን ለመትረየስ  አንገታቸውን  ለገመድ  አሳልፈው  ለመስጠት  ቆርጠው  እንደተነሱ    ዘክረዋል።

በሌላም በኩል የኢትዮጵያ ሙስሊም እምነት ተከታዮች ከኢድ አረፋ በዓል ጸሎት በዃላ በየመስጊዶቻቸው የተቃውሞ ድምጽ ሲያሰሙ ውለዋል።በድረዳዋም አደባባይ ወጥተው ወያኔን አውግዘዋል።የከተማው አስተዳዳሪ ከንቲባ ለመናገር ሲዘጋጅ ከመድረኩ ላይ  አውርደውታል። ሙስሊሙ በሃይማትና በዘር መከፋፈል ተገቢ እንዳልሆነ በማውሳት በዚህ መልክ መሄድን አውግዘዋል።በዚሁ ሰላማዊና ሕዝባዊ ሰልፍ ላይ እንደተለመደው የስርአቱ ጠባቂ የሆኑት የታጠቁት አውሬዎች የተኩስ እርምጃ ወስደው የብዙ ንጹህ ወገኖቻችን ደም እንደፈሰሰ ታውቋል።
የኢትዮጵያ ሕዝብ የጋራ ትግል ሸንጎ በሁለቱም የሃይማኖት አባቶችና ተከታዮች የተወሰደው አገር አድን፣ ጸረ አምባገነንና ጸረ ዘረኛ ትግል በእውነትም የፈጣሪያቸውን ትእዛዝ የተከተለና አክብረው ለማስከበር እንደሆነ ያምናል፤ያደንቃልም።ይህን የአባቶቻችንን ድፍረትና ወኔ ብሎም አገር ወዳድ አቋም በሌላውም አካባቢ ያሉት የሃይማኖት ተከታዮች እንዲከተሉና ተመሳሳይ አቋም እንዲያዙ ጥሪ ያደርጋል።የአክሱም ጽዮን፣የላሊበላ፣የግሸን ማርያም፣የዝቋላ፣ የቁልቢ ገብርኤል፣የአዲስ አበባ አድባራትና የቀሩትም የጎንደርና የጎጃም ሊቃውንትና የሃይማኖት መሪዎች የዳግማዊ ፔጥሮስን መስቀል ተሸክመው ላገራቸውና ለወገናቸው ክብር፣አንድነትና ነጻነት የወሰዱትን አቋም እንዲከተሉ ጥሪ ያደርጋል።በተለያዩ ያገራችን ክፍሎች የሚገኙት የእስልምና ሃይማኖት ተከታዮችም እንደ ጎንደር፣ጎጃም፣አዲስ አበባውና ድሬዳዋው ጀጎኖች ሙስሊሞች ከሃይማኖትና ከዘር ፖለቲካ ነጻ የሆነች አገር እንድትመሰረት   የሚሻውን ተመሳሳይ ትግል እንዲያደርጉ ጥሪ ያደርጋል።
በውጭ አገር የሚገኙ የኢትዮጵያ ኦርቶዶክስ ተዋህዶ ቤተክርስቲያናት መሪዎችና ምእመናን፣ በአመስተርዳም ከተማ በሚገኘው በኦርቶዶክስ ቤተክርስቲያን ምእመናን የተወሰደውን  አቋምና እርምጃ እንዲከተሉና ትግሉ ሁሉን አቀፍና ዓለም አቀፍ እንዲሆን ጥሪ ያደርጋል። በአመስተርዳም ምእመናን  የተካሄደውን  ክርስቲያናዊ  እርምጃ  ከልብ  ያደንቃል።
 
የኢትዮጵያ ሕዝብ የጋራ ትግል ሸንጎ በክርስቲያኑና በሙስሊሙ ወገኖቻችን ላይ የተፈጸመውንና የሚፈጸመውን ማንኛውንም እርምጃና ወንጀል በሚችለው መንገድ እያጋለጠ ወንጀለኞቹ ለፍርድ የሚቀርቡበትን  መንገድ  እንደሚያጠና  ሊያረጋግጥ  ይወዳል።

ድር ቢያብር አንበሳ ያስር!! ድል ለኢትዮጵያ ሕዝብ

Hits: 1982

በማስፈራራትና በዛቻ የሕዝብ ትግል አይቆምም

ቢሆን ይሆናል ባይሆን አይተነው፣
  እንሄዳለን አደባይተነው።                      

 

በማስፈራራትና በዛቻ የሕዝብ ትግል አይቆምም

ቢሆን ይሆናል ባይሆን አይተነው፣

እንሄዳለን አደባይተነው።

በዚህ አይነቱ ስንኝ የታጀበ የእልቂት ፉከራና ዛቻ አባይ ጸሃዬና ስዩም መስፍን የተባሉት ቀንደኛ የሕወሀት ወንጀለኞች በብዙሃን የመገናኛ መድረክ ላይ ከ40 ደቂቃ በላይ በሰጡት ማብራሪያ የተደመጠ የሰሞኑ የሽብር መልእክት ነበር።እነዚህ የሕዝብና የአገር ጠላቶች ድርጅታቸው በሚመራው መንግበሥት ላይ የደረሰውን የፖለቲካና ማህበራዊ ክስረት ተመርኩዘው ካደረባቸው ስጋት በመነሳት ሕዝቡን ያልነቃ፣ዃላ ቀርና ለውጭ ሃይሎች ያጎበደደ ያቀጣጠለው ግርግር ነው ብለው የስድብና የንቀት ናዳ ሲያወርዱበት፣ የሕዝቡን እሮሮ የሚያጋልጡትንና የሚታገሉትን በውስጥና በውጭ የሚገኙትን የለውጥ ሃይሎችን እንደማንኛውም አምባ ገነን ስርዓት ጥላሸት እያለበሱ ከጥያቄው ለማምለጥ ሲውተረተሩ ተደምጠዋል ። የነፍጠኞች፣ የትምክህተኞች፣የጠባቦችና የውጭ አገር ሴራ አስፈጻሚዎች በማለት ከሰዋል።በዚህም ብቻ አላቆሙም እራሳቸውን የአንድነት፣የሰላም፣የእድገት፣ የእኩልነት፣የዴሞክራሲ  ጠበቃና  ፈጣሪዎች  እንደ ሆኑ አድርገው አቅርበዋል። እነሱን መቃወም ማለት ደግሞ ሰላም ማናጋት፣እድገትን መጎተት፣አንድነትን ማፍረስ፣እኩልነትን ሽሮ አንዱ ጌታ ሌላው ባሪያ የሚሆንበትን ስርዓት መልሶ ለማምጣት  የሚደረግ አድማና ሴራ ነው በማለት ጥፋቱን ከራሳቸው ላይ አውርደው በሌላው ላይ ለመጫን ሞክረዋል።ለመሆኑ እድገት ሲባል የሕዝብ አስተያየትንና ንቃትን ያካተተ አይደለምን? ሕዝቡን ዃላ ቀር፣ደደብ ብለው ከተሳደቡ በሕዝቡ ንቃት ለውጥ አልመጣም ማለት ነው።

አደገ ተመነደገ የሚሉት ኤኮኖሚ ከሕንጻና ከከበርቴው መዝናኛ ቦታዎች  መስፋፋት  ያለፈ  አይደለም ማለት ነው።የውጭ ዘራፊዎች ካቋቋሙት ድርጅት የዘለለ ለውጥ በአገሪቱና በሕዝቡ ኑሮ ብሎም ግንዛቤና ንቃት ላይ አላመጣም ማለት ነው። እውነተኛ እድገት አለመኖሩን በደም ፍላት ያስተላለፉት መልእክት ፈልቅቆ አወጣው።ከአፍ ከወጣ አፋፍ! ይሏል ይህ ነው።

የኢትዮጵያ ሕዝብ ያለበትን ኑሮና መከራ እያወቀውና እየተቃወመው ጥያቄና ቅዋሜውን ከዃላ ቀርነት፣ ከድንቁርናው የመነጨ ድክመት ነው በማለት የሕዝብን ችሎታ በማኮሰስ የሚያደርገው ትግልም የደደቦች ተግባር ነው በማለት አርክሰውታል።ሕወሀት ንቀትና እብሪት በዛሬው በነዚህ ሁለት ጨካኞች የተጀመረ ሳይሆን የፈጠሩት ድርጅት ከተመሰረተበት ከዛሬ አርባ ዓመት ጀምሮ ሲዳብር የኖረ፣አሁን አገራችን ካለችበት ውድቀትና አደጋ ውስጥ የነከረ መመሪያና ስልት ነው። አገርን ለመበታተን፣የሕዝቡን አንድነት ለማናጋት ዘርን፣ ሃይማኖትን፣ቋንቋና ክልልን መሳሪያ አድርጎ የተጠቀመው ህወሃት/ኢህአዴግ እንጂ ሕዝቡና ለዴሞክራሲ ለውጥ፣ለፍትህና ለእኩልነት የተነሳው ሕዝባዊ ሃይሉ እንዳልሆነ እነሱም ሌሎቹም ያውቁታል።ሕዝባዊ ሃይሉ ችሎ ችሎ የግፉ መጠን ገደቡን ሲያልፍ በቃኝ ብሎ ተነስቷል፤ይህን የሕዝብ
 
መነሳሳት ለመቅጨት እነዚህ ሁለቱ አንጋፋ ወንጀለኞች የድርጅታቸውን የማስፈራሪያ በትር መዘው ብቅ አሉ፣ያም እኛ ከሌለን አገር አትኖርም፣እኛ ከሌለን እርስ በርሳችሁ እንደ ሩዋንዳና ዩጎዝላቪያ ትተራረዳላችሁ፣እንደሶማሊያ ትበታተኑና የትርምስና የእልቂት ሜዳ ትሆናላችሁ፣ልታንሰራሩም አትችሉም የሚል አረመኔያዊ ትንቢት መሳይ ማስፈራሪያ ነው።

ከቀውሱ ውስጥ ግን እራሳቸውን አልቀላቀሉም፤ምክንያቱም ፈርጥጠው ሊወጡ የሚችሉበትን ቦታና በር አመቻችተዋልና! ከዛም በተረፈ በስሙ ተጠቅመው ስልጣን ላይ ወጥተው በአውሬው ክርናቸው የሚደቁሱትን የትግራይን ሕዝብ ከሌላው ኢትዮጵያዊ ነጥለው በመሳሪያነቱ ለመቀጠል እንዲችሉ የሽብር ቅስቀሳ አድርገውበታል።ብዙሃኑ የትግራይ ሕዝብ በጎሰኛ አስተሳሰብ ተነሳስቶ በሌላው ወገኑ ላይ እንዲነሳና ለነሱ የጥፋት ስርዓት አገልጋይ እንዲሆን አሁንም በዚህ መልእክታቸው አስተጋብተዋል።

በተለያዬ አጋጣሚ እንዳሳየው ሁሉ አሁንም የትግራይ ሕዝብ ዝም ሊላቸውና ለውጥናቸው ተገዢ መሆን አይኖርበትም፤ወግዱ፣አልታለልም፣የእስከዛሬው ይበቃል ሊል ይገባዋል።ህወሃት ያዘጋጀው መቅሰፍትና የጥፋት አደጋ የትግራይንም መሬትና ተወላጅ የሚምር አይደለም።ተያይዞ ገደል እንዳይሆን ይህን በስማቸው የሚነግድ የአገር ፍቅርና ሰብአዊ ስሜት የሌለው ጨካኝ ቡድን ቦታና ዕድል ሊነፍገው ይገባል። የኢትዮጵያ ሕዝብ ሲባል የትግራይን ሕዝብ የሚነጥል አይደለም።የኢትዮጵያ ሕዝብ ተበደለ ሲባልም፣ በስርዓቱ ያልተበደለና ያልተሰቃዬ ባለመኖሩ የስርዓቱ አገልጋይ ያልሆነ የትግራይም ተወላጅ የሚጋራው ዕጣፈንታ ነው።የተጨቆነው ሕዝብ ጥያቄው አንድ ነው፤ያም ግፈኛው ስርዓት እንዲያከትም የሚጠይቅና የሚታገል ነው።

በዚያ የነጻነት ትግል ጎራ ውስጥ የትግራይም ተወላጆች አሉበት። ብዙሃኑ ከአጥፊው ቡድን ጋር ሳይሆን ከትግሉ እንዲቀላቀል የሚያደርግ ስራ በስፋት መሰራት አለበት።የወንጀለኞች መጠቀሚያ እንዳይሆን የሚያግዝ ስልት መነደፍ ይኖርበታል።ህወሃት የሕዝቡን አንድነት ለማኮላሸት በሌሎች አሳቦ የሚስጥር ጥቃት በትግራይ ተወላጆች ላይ እንደሚያዘጋጅና እስከመፈጸም ሊጓዝ እንደሚችል ከወዲሁ መገንዘብና ጥንቃቄ ማድረግ አስፈላጊ ነው።ከአጥፊው ቡድን ጋር ወግነው የሚቆሙት ከማንኛውም ማህበረሰብና ጎሳ የተውጣጡ የስርዓቱ ተጠቃሚዎች የሆኑት ብቻ ናቸው።ጥቅም አይንና ህሊናን ይሸፍናልና በዚያ መጋረጃ ውስጥ ተተብትበው የተያዙት የሁሉም ጎሳ ተወላጆች ናቸው፤ካለነርሱ ትብብር ህወሀት/ኢህአዴግ በአጠቃላይ የኢትዮጵያ ምድር ላይና በሁሉም ሕዝብ ጫንቃ ላይ የመከራ ቀንበሩን ሊያሰፍር አይቻለውም ነበር።

የህወሓት/ኢሕአዴግ ባለሥልጣናት አገራችንን ለሩዋንዳና ለዩጎዝላቪያ እልቂት እያዘጋጁዋት መሆኑን በገሃድ ተናግረዋል፤ኢትዮጵያ በነዚህ አናሳ ወንጀለኞች ውሳኔ የምትፈራርስ ሳይሆን በሕዝቡ የቆረጠና የተባበረ ትግል ለዘለዓለም ተከብራ የምትኖር አገር መሆኗን ማሳየት አለብን። በነሱ የጥፋት ፉከራና ዛቻ ቅስማችን ሊሰበር አይገባውም፤የሕዝቡ ትግል ፈሩን ሳይለቅ፣ከተዘጋጀው የመጠፋፋት ወጥመድ ውስጥ ሳይገባ፣ ለዘላቂ ዴሚክራሲያዊ ስርዓትና የሕግ የበላይነት፣ለሕዝብ አብሮ መኖርና ለአገር አንድነት የምናደርገውን ትግል በተቀናጀ መልኩ ከግቡ ማድረስ የየአንዳንዱ ኢትዮጵያዊ ድርሻ ሲሆን ይበልጥ ደግሞ የፖለቲካ ምህዳሩን እንለውጣለን ብለው የተሰለፉት ሃይሎች አላፊነት ስላለባቸው  ተባብረው ሊቆሙ ይገባቸዋል፤እርስ በርስ እየተናቆሩ የሚጓዙበት ጊዜው አልፏል፡፤እንደ ህወሓት/ኢሕአዴግ ስርዓት ሰሚ አልባ ላለመሆን ከተፈለገ በትናንትናው የጎሳና የክልል ድርጅታዊ አባዜ መንጎድ የለብንም፤አገራችን
 
ከዚህ አደገኛ ደረጃ ላይ የደረሰችውና ለበለጠም አደጋ የምትጋለጠው በጎሳና ክልል ስሜታዊ አወቃቀር ተነጣጥለን ከተሰለፍን ነው።

ያ አካሄድ እስከዛሬ ድረስና ለወደፊቱም ሕወሀት/ኢህአዴግ ላዘጋጀልን የጥፋት መቅሰፍት ተመቻችተን እንድንገኝ ያደርገናል። በሰው ልጅነታችን፣በኢትዮጵያዊ ዜግነታችን እጅ ለእጅ ተያይዘን የመጣውን አደጋ ከመታደግ የተሻለ ምርጫ የለንም።የሕወሀት/ኢህአዴግን የጥፋት ቅስቀሳ ወደ ለውጥ አቅጣጫ ልንመራው ይገባል።

በቅርቡ አስራ ስድስት የሚሆኑ በአገር ውስጥ በሕጋዊ መንገድ የሚንቀሳቀሱት ድርጅቶች የሰላምና እርቅ ጉባኤ እንዲጠራ ማሳሰባቸው ይፋ ወጥቷል።እርምጃው ቀና ቢመስልም እነማን እንደሆኑ ዝርዝራቸው ስላልወጣና ስለማይታወቅ ድርጅቶቹ በስርዓቱ ተጠፍጥፈው የተቋቋሙ ወይም የተደቀሉ ይሁኑ አይሁኑ የሚታወቅ ነገር  የለም።በተጨማሪም የሰላም አጋርና ጸር  የሆነውን ለይተው ማወቅና ማሳወቅ ይጠበቅባቸዋል። በዚህ ውይይት ላይ የመድረክ፣የሰማያዊ፣የመኢአድና የሌሎቹም አገር አቀፍ ድርጅቶች ህልውናና ተሳትፎ አልታወቀም።በስርዓቱ መዳፍና ፈቃድ የሚሽከረከሩት ብቻ ለይስሙላ የሰላም ውይይት ከቀረቡ ውጤቱ እዛው በዛው ይሆንና ፣አባቱ ዳኛ ልጁ ቀማኛ ሆነው የሚያሳልፉት ውሳኔ  የቤተሰብ መተቃቀፍ ይሆናል።

በተጨማሪም የሰላሙ ውይይቱ መሰረታዊ ለውጥ ለማምጣት የሚያበቃ እንጂ በሽርፍራፊ ለውጥ ያለው ስርዓት    እንዲቀጥል    ለማድረግ    እንዳልሆነ    በቅድሚያ    መገንዘብ    ይገባል።    የሰላም    ውይይቱ በሕጋዊነትተመዝግበው የሚንቀሳቀሱት ብቻ ሳይሆኑ በህወሀት/ኢህአዴግ ተፈርጀው የታገዱትና በአገር ውስጥና በውጭ አገር የሚንቀሳቀሱትን የፖለቲካ ድርጅቶች፣ የሲቪክ ማህበራትና የታወቁ ግለሰቦችን፣ የሚያጠቃልል መሆን ይኖርበታል። ያ ካልሆነ ለሚያስተማምን ሰላምና ሁሉን ላካተተ እርቅ አያበቃም።

ለሰላሙ ውይይት በር መክፈቻው የታሰሩትን መልቀቅ፣የታፈነው የሚዲያ ነጻነት መረጋገጥ፣የመደራጀትና የመሰብሰብ፣የዲሞክራሲ    መብቶች    መከበር፣በሕዝቡ    ላይ    የጥቃት    እርምጃ    እንዲፈጽም    የተሰማራው የመንግሥት የጦር ሃይልና የታጠቀ ቡድን ወደ ጦር ሰፈሩ እንዲመለስ ፣ጉዳት ለደረሰባቸው ካሳ እንዲከፈላቸው፣  ተጠያቂው  በሕግ  እንዲጠየቅ  ማድረግ  ለነገ  የማይባል  የሂደቱ  መግቢያ  ቁልፍ  ነው። እቅዱ በሕዝቡ ተሳትፎና ፍላጎት እንጂ በጥቂት የፖለቲካ ድርጅቶችና በቀውሱ ባለቤት በሆነው አምባገነን ቡድን ፈቃድና ፍላጎት ላይ የተመሰረተ መሆን አይኖርበትም።

ስለሆነም የውስጥና የውጭ የሚለው ግድግዳ ተንዶ ሁሉም ኢትዮጵያዊ የሚሳተፍበት እንዲሆን ማድረጉ አማራጭ የለውም።አንዱን አቅፎ ሌላውን ማራቅና ማግለል ለ25 አመት ከተመለከትነው ተመሳሳይ የጥፋት አሮንቃ ውስጥ መዳከር ነው።

የኢትዮጵያ ሕዝብ የጋራ ትግል ሸንጎ በንጹሃን ኢትዮጵያውያን ላይ የተፈጸመውንና በመፈጸም  ላይ ያለውን ግፍና ጭፍጨፋ እያወገዘ፣ ወንጀሉን የፈጸሙትና ያስፈጸሙት በአስቸኳይ ለፍርድ እንዲቀርቡ ይጠያቃል።ሕዝቡ ለመለያየት የተቀመረለትን የጥፋት ጎዳና እንዳይከተል እያሳሰበ እጅ ለእጅ ተያይዞ ጥቃቱን እንዲመክት ጥሪ ያደርጋል።የሕዝቡን ብሶት ለዓለም ማህበረተሰብ ለማሰማትና በስርዓቱ ላይ ተአቅቦ እንዲጣል ያላሰለሰ ጥረት እንደሚያደርግ እየገለጸ፣በውጭ አገር የሚገኙት የፖለቲካ ድርጅቶች፣
 
የሲቪክ  ማህበራትና ተቋማት  እንዲሁም  ግለሰቦች  በዚህ  ፈታኝ  ወቅት  ላይ  ከመቸውም ጊዜ  በበለጠ የአንድነት ትግላቸውን ማካሄድና እርዳታ ለሚያስፈልገው ወገናቸው ገንዘብ የማሰባሰቡን ሥራ እንዲቀጥሉበት ጥሪ ያደርጋል።

የተከሰተውን አደጋ ለመመርመርና የአገራችንን የወደፊት አማራጮ ለመመካከር በአስቸኳይ ጉባኤ መጠራት እንዳለበት በማመን ሸንጎ የበኩሉን ለማድረግ በመንቀሳቀስ ላይ እንደሚገኝ ለማሳወቅ ይወዳል፡፤ በዚህ በታሰበው ጉባኤ ላይ እንዳለፈው ጊዜ ምክንያት እየፈጠሩ  ማፈግፈግ አገራችንና ሕዝቡ የተደቀነበትን አደጋ ጥልቀትና አጣዳፊነት አለመረዳት ይሆናል።አላፊነት የሚሰማቸውና አደጋውን የተረዱ ጥሪውን አክብሮ ከመገኘት ሌላ አማራጭ የለም።ስለሆነም ሁሉም ጥሪውን አክብሮ ይገኛል የሚል እምነት አለን።

የተሰናዳልንን የጥፋት ሴራ በአንድነት እናክሽፈው!!

ድል ለኢትዮጵያ ሕዝብ

Hits: 2832

ሕዝብን አፍኖና በኃይል ረግጦ መግዛት ያብቃ!- ህወሓት በአወዳይ የፈጸመውን አረመኔያዊ ጭፍጨፋ ሸንጎ አጥብቆ ያወግዛል።

በትላንትናው ዕለት ትንሽ ትልቅ፣ ወንድ ሴት፣  ከተሜ  ገጠሬ፣  ሳይል  የጎንደር  ሕዝብ  ከዳር እስከ ዳር በነቂስ ወጥቶ ከተማዋን ባጨናነቀ መልኩ የህወሓት አገዛዝ የፈጠረውን የሽብርና የፍርሃት አጥር ሰብሮ በመውጣት የተቃውሞ ድምጹን በሰላማዊ መንገድ አሰምቶ ወደቤቱ ተመልሷል። ምንም እንኳን አገዛዙ  የተቃውሞ  ሰልፉ  እንዳይካሄድ  ማናቸውንም እርምጃዎች ቢወስድም፣ ግፍ የበዛበት፣ የቆረጠና የተባበረን ሕዝባዊ ማዕበል የሚመክተው አንዳችም ምድራዊ ኃይል የለምና ከፍተኛ ጨዋነት በተሞላው መልክ ሕዝቡ ተቃውሞውን አሰምቷል። በዕለቱ ካስተጋባቸው መፈክሮች ውስጥ  "በኦሮሚያ  የሚደረገው  የወገኖቻችን ግድያ ይቁም" የሚለው የጎንደር ሕዝብ ምንጊዜም በኢትዮጵያዊነትና በሀገር  አንድነት  ላይ ያለው የሚታወቀውን ጠንካራ አቋሙን  ያሳየበትና  የትግል  አጋርነቱን  በግልጽ ያንጸባረቀበት  ነው።
ባለፉት ዘጠኝ ወራት ውስጥ የሕዝብ መብቶች እንዲከበሩና የአዲስ አበባ ማስተር ፕላን ተብዬው እንዲሰረዝ በሰላማዊ መንገድ ድምጻቸውን ላሰሙ ኦሮምኛ ተናጋሪ  ወገኖቻችን አገዛዙ የሰጠው ምላሽ የሕዝብን  ቁጣ  በኃይል  ለማፈን  መሞከር  ነበር።  በዚህም  ከአራት መቶ በላይ የሰው ሕይወት ጠፍቷል። የሕዝብን  ቁጣ  በኃይል  መደፍጠጥ  እንደማይቻል አገዛዙ የተማረ አለመሆኑን ያለፉት 25 ዓመታት የግፍ አገዝዙ ቁልጭ አድርገው አሳይተውናል።  እስካሁን  በተለያዩ   አካባቢዎች   በተጠቀመበት   ነጣጥሎ   ማዳከምና መምታት በሚለው የማፈኛ ስልቱ በትላንትና ዕለት በምሥራቅ ሐረርጌ በአወዳይ  ከተማ ውስጥ ባካሄደው ጭፍጨፋ በርካታ ዜጎችን ሲያቆስል የስድስት ወገኖቻችንን ሕይወት ማጥፋቱን የተለያዩ የዜና አውታሮች ዘግበዋል። ህወሓት በጎንደር በተካሄደው ሰላማዊ ተቃውሞና ሕዝባዊ ማዕበልን መቋቋም እንደማይችል ምናልባት ተረድቶት  ይሆናል የሚለውን ግምት ውድቅ እንዳደረገው እነሆ በአወዳይ ከተማ የፈጸመው ጭፍጨፋ ፍንትው አድርጎ አሳይቶናል። በመሆኑም ይህን  ህወሓት  የፈጸመውን  አረመኔያዊ  ድርጊት የኢትዮጵያ ሕዝብ የጋራ ትግል ሸንጎ አጥብቆ ያወግዛል።
ጆሮ ያለህ ስማ እንዲሉ የህወሓትን አፋኝ፣  ጨፍጫፊ፣ ዘረኛና አምባገነን ቡድን ማስታወስ የምንወደው በዓለም ዙሪያ የነበሩ አምባገነን አገዛዞች ሁሉ በውርደት ከሥልጣን መወገዳቸውን ቢያንስ የመንግሥቱን፣ የሙባረክን፣ የጋዳፊን፣ የሳዳምን...ወ.ዘ.ተ እጣ ፈንታ እንዴት እንደነበረ ነው። ስለዚህ የሥልጣን ምንጭና  ባለቤት  የሆነውን  ሕዝብ  መብት አፍኖና  በኃይል  ረግጦ  ለዘለዓለም  መግዛት  እንደማይቻል  ተረድቶ  ሕዝብ  ለእልቂት፣ ሀገርም ለበለጠ ጉዳት ከመዳረጓ በፊት መብቱን በሰላም ለጠየቀ ሕዝብ ትክክለኛው ምላሽ እንዲሰጠው ይገባል እንላለን። ይህ ሳይሆን ቢቀርና ህወሓት እስካሁን  በተከተለው  ጎዳና ከቀጠለ ለሚደርሰው የሕይወት መጥፋትና የንብረት መውደም ተጠያቂው ህወሓት ብቻ መሆኑን ከወዲሁ መግለጽ እንወዳለን። ሕዝቡ የሀገር አንድነቱን ጠብቆ መብቱን በሰላማዊ መንገድ ለማስከበር  የሚያደርገውን  ትግል  የኢትዮጵያ  ሕዝብ  የጋራ  ትግል  ሸንጎ እንደሚደግፍ በማያሻማ ቋንቋ እየገለጸ፣ በሚችለው ሁሉ ለመተባበር ዝግጁ መሆኑን ያረጋግጣል።
አንድነቷ የተጠበቀ ዴሞክራሲያዊት ኢትዮጵያ በሕዝብ ትግል ትመሠረታለች!

Hits: 3017